Pangarap niya ang magkaroon ng simpleng buhay at masayang pamilya. Ngunit isang sikreto ang maaaring sumira nito. Magawa pa kaya niyang mahalin ang asawa sa kabila ng paglilihim nito sa kanilang anak?

Isang inang piniling itago ang anak sa takot na masira ang binuong pamilya. Ngunit sa oras siya ay balikan ng nakaraan, handa ba niyang ipagtapat ang katotohanan at ipaglaban ang sariling anak?

Lumaki sa pagmamahal ng kinilala niyang nanay na si Cora. Ngunit sa oras na malaman niya ang katotohanan, mapatawad kaya niya ang inang umabandona sa kanya?

Siya ang komadronang aampon at magpapalaki kay Neri. Bagama't hindi mapalad sa buhay, gagawin niya ang lahat para sa ikabubuti ng minamahal na anak. 

Mabait at mapagkumbabang binata kahit na lumaki sa maginhawang buhay. Mahuhulog ang loob kay Neri. Maipaglalaban kaya niya ang kanilang pag-iibigan?

Siya ang nakakatanda at oportunistang kapatid ni Vivian. Ipaaampon niya ang bunsong anak na si Heidi sa kapatid sa pangarap na makuha ang yaman nito.

Ang buthing ina ni Anton na tututol sa relasyon ng anak kay Vivian. Ipararamdam niya kay Vivian na hindi niya kailanman ito magugustuhan.

Siya ang half-brother nina Lorraine at Craig. Makikihati siya sa yaman ng mga kapatid at maging sa puso ni Neri. 

Ang gitnang anak ni Stella. May malaking inggit sa nakababatang kapatid na si Heidi dahil sa magandang buhay na tinatamasa nito. Siya din ang magiging pinakamatinding karibal ni Neri sa puso ni Craig. 

Siya ang nakakatandang kapatid ni Craig. Lubos na masasaktan sa oras na hiwalayan ni Anton para kay Vivian.

Siya ang bunsong anak ni Stella na ipaaampon kina Vivian at Anton. Dahil malayo ang loob sa ina, maghahanap siya ng pagkalinga at pagmamahal sa iba.