The beautiful bond of the 'My Guardian Alien' cast
Sa pagtatapos ng GMA Prime series na My Guardian Alien, masaya ang cast sa nabuo nilang pamilya sa serye.
Sa episode ng Unang Hirit kamakailan, tinanong ng seasoned actor na si Gabby Concepcion si Marian Rivera kung ano ang memorable moment nito sa kanilang pinagbibidahang serye. Ayon sa Kapuso Primetime Queen, ito ay ang kanilang off-cam moments.
“Kasi sa behind the scenes, alam mo 'yan, ito 'yung time natin na nagkukuwentuhan tayo ng mga cast, naging close talaga tayo sa isa't isa. So sabi ko nga, siguro kung meron akong mami-miss talaga dito, 'yun ang bonding natin together kasi off-cam talaga ang kukulit talaga namin,” kuwento ng aktres.
Ayon naman kay Gabby Eigenmann, na bumibida bilang Ceph, mami-miss daw niya ang lahat ng bumubuo ng My Guardian Alien.
“Mami-miss ko lahat, siyempre family na tayo rito e. Iba talaga 'yung nakakagawa ka ng isang proyekto na kahit tapos na 'yung show, magiging magkaibigan pa rin.”
Makikita rin sa social media ang behind the scenes photos ng cast, kung saan makikita ang kanilang masayang moments off-cam.
Silipin ang magandang bond ng cast ng My Guardian Alien sa gallery na ito.
Stellar
Star-studded ang cast ng GMA Prime series na My Guardian Alien dahil binubuo ito ng mga batikang at nagniningning na mga aktor.
Fresh
All smiles sina My Guardian Alien stars Marian Rivera, Gabby Eigenmann, Raphael Landicho, Caitlyn Stave, Josh Ford, at Christian Antolin.
Behind the scenes
Makikita sa larawang ito ang happy moments on set nina Marian Rivera at direktor ng My Guardian Alien na si Zig Dulay.
Family
Sa recent episode ng Unang Hirit, ibinahagi ni Marian Rivera na mami-miss niya ang off-cam moments ng My Guardian Alien dahil doon sila nakakapag-bonding.
Dance
Kabilang sa masayang off-cam moments ng cast ng My Guardian Alien ay ang kanilang paggawa ng dance videos. Matatandaan na ipinamalas nina Marian Rivera at Raphael Landicho ang kanilang dance moves nang sayawin ang “It's Plenty.”
Fun times
Naghatid ng good vibes sa social media sina Marian Rivera, Raphael Landicho, Kiray Celis, at Christian Antolin nang ibahagi ang kanilang fun moves sa awiting “Chinito.”
