Ka-'Meant To Be' ni Billie sa mismong finale day rin malalaman ng cast?

Kinumpirma ni Barbie Forteza at ng ibang cast members ng Meant To Be na sila mismo ay ma-su-surpresa sa kung sino ang pipiliin ni Billie (Barbie Forteza) kina Yuan (Ken Chan), Ethan (Ivan Dorschner), Andoy (Jak Roberto), at Jai (Addy Raj) sa Meant To Be.

Paliwanag ni Barbie, "Hindi [ko rin alam kung sino,] maniwala po kayo sa akin, wala pa po sa amin ang final script. And parang may pinaplano po silang paandar, as in the day itself namin malalaman kung sino ba talaga ang magiging ka-Meant To Be ko, so up to now hindi ko pa rin po talaga alam."

Ganito rin ang sagot ng apat na boys, na pati sila wala pa ring idea sa mangyayari sa final episode ng Meant To Be ngayong June 23. Ngunit pwede ring tumulong ang viewers sa decision ni Billie sa pagboto sa apat na boys online:

VOTE: Sino sa boys ng Meant To Be ang bagay kay Billie?

Abangan kung sino kina Yuan, Ethan, Andoy, at Jai ang makakakuha ng puso ni Billie ngayong Friday na!