Around GMA

Article Inside Page

Iba nga naman daw kasi manligaw ang Pinoy, kaya ang pamilya ni Billie sa Meant To Be, mga solid #TeamAndoy fans. Si Andoy ay ginagampanan ni Jak Roberto, dating torpe pero lumakas ang loob dahil sa kagustuhan niyang maging ka-Meant To Be ni Billie, portrayed naman by Barbie Forteza.

 

Happy 400k everyone. Thank you so much. Cheers ????

A post shared by Jak Roberto (@jakroberto) on Jun 5, 2017 at 5:20pm PDT

Sa thanksgiving press conference ng Meant To Be, sinagot ni Tina Panner (Tita Suzy Altamirano), Manilyn Reynes (Mamay Amelia), at Keempee de Leon (Pawie) kung sino ang personal choice nila na makatuluyan ni Billie.

Ika ng tiyahin ni Billie na ginagampanan ni Tina, "Usually talaga, kung ako Pinoy. Gusto ko talaga Pinoy."

Solid #TeamAndoy naman si Manilyn, on and off-screen. Aniya, "Sa palabas siyempre si nanay Team Andoy 'yan, solid."

Ngunit nagbigay din ng advice ang aktres sa mga katulad ni Billie na may dilemma sa mga manliligaw nila.

Ika niya, "Bilang nanay kasi, bukod sa mga anak ko [meaning kahit sa ibang babae], I just really feel for Billie, kasi tayo rin naman, dumaan tayo d'yan. Lagi ko ngang sinasabi ko sa kanya, mapa-palabas man or hindi, dapat iisa lang ang dahilan kung bakit mo pipiliin ang isang tao. Hindi mo pipiliin dahil komportable ka sa kanya, pipiliin mo dahil mahal mo. 'Yun lang talaga. Dapat pagmamahal talaga. Wala 'yung "kasi comfortable na ako with him." 'Yun lang iintindihin mo, ['yung kung mahal mo ba or hindi]."

Advice naman ng aktres sa JEYA at mga nanliligaw in general, "It's good that you're showing Billie how much you love her. Kahit medyo late na or hindi. Mas maganda na nasabi mo na sa kanya kaysa may pagsisihan ka sa huli. 'Di ba?"

Si Keempee de Leon naman, na gumaganap bilang Pawie na tatay ni Billie, ay #TeamEthan sa palabas. Pero in real life? #TeamAndoy daw talaga ang aktor.

Paliwanag niya, "Sa story kasi si Pawie bet niya si Ethan. Pero no offense guys, ah, bilang Pinoy alam ko kung paano sumuyo ang Pinoy. Kung paano manligaw ang Pinoy."

Pa-joke naman na sinabi ng aktor, "Alam mo naman 'yun, Manilyn, 'di ba?"

Si Manilyn at Keempee ay isa rin sa mga sumikat na love team noong late 80s to 90s. Naging ex-boyfriend din ng aktres ang aktor.

Pareho rin ng advice si Keempee at si Manilyn. Aniya, "Sundin mo ang puso mo kung sino ang mahal mo."

Leaning towards #TeamAndoy na nga ba ang pamilya ni Billie? Si Andoy na kaya ang kanyang ka-Meant To Be? Abangan sa kilig finale ngayong June 23 na!