Bahay ni Sisa sa 'Maria Clara at Ibarra,' itinayo mismo ng production design team ng serye
Gabi-gabing nakakatanggap ng mga papuri ang historical portal fantasy series na Maria Clara at Ibarra.
Bukod kasi sa magandang kuwento at mahusay na mga pagganap, busog na busog rin ang mata ng mga manonood dahil sa pulidong production design nito.
Isang tidbit na lubos na hinangaan ng mga manonood ay ang detalye ng Fonda de Lala, o Fonda Francesca de Lala Ary, isang tunay na hotel noong panahon ng Kastila at lugar na nabanggit sa nobelang "Noli Me Tangere" na tinuluyan ni Crisostomo Ibarra.
Kuhang-kuha ng serye ang signage nito na makikita sa mga eksenang sinundan ni Klay (Barbie Forteza) si Crisostomo Ibarra (Dennis Trillo) sa tinuluyan nito nang makauwi sa bansa matapos ang pitong taong pag-aaral sa Europa.
Small details 👏✨#MCIKlayMeetsIbarra pic.twitter.com/eRmCunBcFk
-- //bry// (@sehunfoot) October 5, 2022
Muling hinangaan ang production design team ng serye dahil sa mga detalye ng bahay kubo ni Sisa (Andrea Torres).
Yung architecture heart ko. This is a great visual representation of what the bahay kubo looks like back then. And it is featured really well in this scene. #MCIEspiya#MariaClaraAtIbarra pic.twitter.com/vW7E6xEKXU
-- Trish | half tuldok kay licauco 🥹 (@trisyan_) October 19, 2022
Ayon sa production designer na Maria Clara at Ibarra na si Bill Gustilo, sila mismo ng kanyang team ang nagtayo ng bahay kubo na ito from scratch. Naging references daw nila ang ilang lumang mga litrato ng mga bahay kubo.
Nagbahagi rin siya ng ilang litrato mula sa pagbuo nila ng kubo.
Narito naman ang ilang detalye ng loob ng kubo ni Sisa noong nadagdagan na ito ng ilang props at gamit.
Patuloy na tumutok sa Maria Clara at Ibarra, Lunes hanggang Biyernes, 8:00 p.m. sa GMA Telebabad.
SAMANTALA, KILALANIN DIN ANG IBA PANG MGA KARAKTER NA MAPAPANOOD SA MARIA CLARA AT IBARRA DITO:
