Image Source: myjaps (IG) / dennistrillo (IG) / barbaraforteza (IG)

'Maria Clara at Ibarra,' historical portal fantasy na may Gen Z take sa mga nobela ni Jose Rizal

By Marah Ruiz

Published On: July 8, 2022, 11:37 AM

Updated On: September 16, 2022, 06:51 PM

Magbibigay ng bagong perspective sa mga nobela ni Jose Rizal ang upcoming historical portal fantasy na 'Maria Clara at Ibarra.'

Paano kung ang isang Gen Z ay mapunta sa mundo ng mga nobela ni Jose Rizal?

'Yan ang dapat abangan sa upcoming historical portal fantasy series na Maria Clara at Ibarra.

Kuwento ito ng nursing student na si Klay na atat na atat nang makaalis ng bansa para magtrabaho.

Magigising na lang siya isang araw at matatagpuan ang sarili sa mundo ng Noli Me Tangere ni Rizal!

Makikilala niya rito sina Maria Clara, Ibarra at iba pang karakter sa mga nobela na magtuturo sa kanya ng kahalagahan ng kasaysayan, pag-unawa sa kapwa, pagmamahal sa bayan at higit sa lahat, ang kapangyarihan ng pag-ibig.

Mula sa mga bumuo ng Encantadia, My Husband's Lover, Sahaya at Legal Wives, ito ang next big cultural offering, na may halo pang romance at adventure, mula sa GMA.

Image Source: myjaps (IG) / Dennis Trillo (Facebook) / barbaraforteza (IG)

Pagbibidahan ito nina Kapuso Drama King Dennis Trillo, Asia's Limitless Star Julie Anne San Jose, at 2016 Fantasporto International Best Actress Barbie Forteza.

Tags:

maria clara at ibarra,gma telebabad,historical,portal fantasy,barbie forteza

Comments