'Maria Clara at Ibarra' stars Barbie Forteza, David Licauco, at Andrea Torres, personal na tinganggap ang mga parangal sa Platinum Stallion National Media Awards

By Marah Ruiz

Published On: February 16, 2023, 01:53 PM

Humakot ng awards ang hit historical portal fantasy series na Maria Clara at Ibarra mula sa Platinum Stallion National Media Awards ng Trinity University of Asia.

Kinikilala ng parangal na ito ang mga indibidwal and grupo na nagbabahagi ng mahahalagang kaalaman gamit ang media at iba pang uri ng sining.

Noong January pa inanunsiyo ang mga winners nito pero nitong February 15 idinaos ang awarding ceremony.

Hinirang bilang Culturally Relevant TV Series at Best Primetime Drama Series ang Maria Clara at Ibarra.

Best Actor naman si Kapuso Drama King Dennis Trillo, habang Best Drama Actress si Kapuso Primetime Princess Barbie Forteza.

Kinilala rin si David Licauco bilang Best Actor in a Supporting Role at si Andrea Torres naman ang napili bilang Best Actress in a Supporting Role.

Dumalo naman sina Barbie, David, at Andrea sa gabi ng parangal para personal na tanggapin ang kanilang awards. Kasama rin nila sina Maria Clara at Ibarra program manager Edlyn Abuel at execitive producer Shielyn Atienza.

Silipin ang pagdalo nila sa Platinum Stallion National Media Awards dito:

1 of 18

Maria Clara at Ibarra stars

Personal na dumalo sa Platinum Stallion National Media Awards sina Andrea Torres, Barbie Forteza, at David Licauco.

2 of 18

Awards

Nakatanggap sila ng mga parangal para sa kanilang pagganap sa 'Maria Clara at Ibarra.'

3 of 18

Platinum Stallion National Media Awards

Kinikilala ng Platinum Stallion National Media Awards ang mga indibiwal o grupo na nagbabahagi ng mga kaalaman sa pamamagitan ng iba't ibang uri ng sining.

4 of 18

Program

Dumalo rin sa gabi ng parangal sina 'Maria Clara at Ibarra' program manager Edlyn Abuel (leftmost) at executive producer Shielyn Atienza (rightmost).

5 of 18

Total

Humakot ang 'Maria Clara at Ibarra' ng anim na awards sa Platinum Stallion National Media Awards

6 of 18

Proud

Proud si Andrea sa pagkilalang natatanggap ng kanilang serye.

7 of 18

Unexpected

Hindi pa rin makapaniwala sina Barbie at David sa atensiyong nakukuha nila dahil sa show.

8 of 18

Best Drama Actress

Hinirang si Barbie bilang Best Drama Actress.

9 of 18

Best Actress in a Supporting Role

Kinilala naman si Andrea bilang Best Actress in a Supporting Role.

10 of 18

Sisa

Lubos na tumatak ang kaniyang pagganap sa serye bilang Sisa.

11 of 18

Best Actor in a Supporting Role

Si David naman ang napili bilang Best Actor in a Supporting Role.

12 of 18

Role

Itinuring ni David na isa sa pinakamahalaga niyang role ang karakter niyang si Fidel sa 'Maria Clara at Ibarra.'

13 of 18

Pambansang Ginoo

Umaasa ang Pambansang Ginoo na makakamit pa ng ibang parangal sa hinaharap.

14 of 18

Fidel at Klay

Umaasa sina Barbie at David sa patuloy na suporta ng mga manood sa huling dalawang linggo ng 'Maria Clara at Ibarra.'

15 of 18

FiLay

Ayon sa dalawa, marami pa raw dapat abangan mula sa tambalang FiLay o Fidel at Klay.

16 of 18

Cast

Bukod kina Babie, David at Andrea, kinilala rin si Dennis Trillo bilang Best Drama Actor pero hindi na ito nakadalo sa gabi ng parangal dahil nasa ibang bansa ito.

17 of 18

Quality

Napili rin ang 'Maria Clara at Ibarra' bilang Culturally Relevant TV Series at Best Primetime Drama Series.

18 of 18

Last two weeks

Patuloy na tutukan ang 'Maria Clara at Ibarra,' Lunes hanggang Biyernes, 8:00 p.m. sa GMA Telebabad.

Tags:

maria clara at ibarra,barbie forteza,david licauco,andrea torres,platinum stallion national media awards

Comments