Vlogger at entrepreneur Small Laude, may special appearance sa 'Mano Po Legacy: The Flower Sisters'

Isang real life "crazy rich Asian" ang mapapanood sa susunod na linggo sa Mano Po Legacy: The Flower Sisters.

Magkakaroon kasi ng special guest appearance dito ang vlogger at entrepreneur na si Small Laude.

Sumikat si Small dahil sa kanyang travel and lifestyle videos kung saan mas nakilala ang kanyang sweet, positive at bubbly personality.

Sa kasalukuyan, mayroon siyang 1.54 million subscribers at 151,883,693 combined views sa kanyang YouTube account.

Bukod dito, naging bahagi siya ng Asia's Most Influential list ng high society magazine na Tatler Philippines noong 2021 at 2022.

Ano kaya ang magiging papel niya sa serye at sa buhay ng Chua Sisters?

Abangan ang special appearance ni Small Laude sa Mano Po Legacy: The Flower Sisters, Lunes hanggang Huwebes, 9:35 p.m. sa GMA Telebabad.