Dylan Menor, dalawang beses nag-audition sa Gen Z series na 'MAKA'
"Grateful" ang Sparkle actor na si Dylan Menor na napasama sa cast ng Gen Z series na MAKA.
Kuwento ni Dylan, dalawang beses siyang sumabak sa audition para makuha ang role sa upcoming youth-oriented show ng GMA Public Affairs.
"Ang masasabi ko lang, I'm very thankful and grateful to be part of the cast of MAKA,”sabi ni Dylan sa exclusive interview ng GMANetwork.com.
"Twice kasi kami nag-audition and sa first audition pa lang sabi ko sana makuha ko 'yung role kasi perfect siya for me [dahil] mahilig akong kumanta, mahilig din akong mag-acting," dagdag niya.
Sa MAKA, makikilala ang aktor bilang Dylan Dela Paz, isa sa mga estudyante sa Arts & Performance (A&P) section ng Douglas Mac Arthur High School for the Arts o MAKA.
"Isa akong pasaway na estudyante. Dinala ako ng aking magulang dito sa probinsyang ito. Galing kaming Maynila. Isa akong sakit sa ulo at pasaway ako na estudyante," pagbabahagi ni Dylan tungkol sa kanyang karakter.
Makakasama ni Dylan sa teen show ang kapwa niya Sparkle stars na sina Zephanie, Marco Masa, Ashley Sarmiento, John Clifford, Olive May, Sean Lucas, Chanty Videla, at May Ann Basa. Makakatrabaho rin niya ang seasoned actor na si Romnick Sarmenta.
RELATED GALLERY: The cast of Gen Z series 'MAKA' during their pictorial
Nang tanungin kung ano ang dapat na abangan sa MAKA, sagot ni Dylan, "Syempre 'yung mga kakaibang experiences kasi we would be tackling mga issues o ibang mga problema ng mga Gen Z.
"Medyo foucs s'ya sa Gen Z kasi mga students kami sa MAKA, barkada kami. We are excited to show you the problems and how we will solve it with the help of Arts, Music."
Abangan si Dylan sa MAKA, simula September sa GMA.
