Magpakailanman presents "Palimos ng Pag-Ibig: The Benjie and Rosel Pacaldo Story"
Karamihan ba sa inyo ay naging miyembro ng “samahan ng malalamig ang pasko?” at umaasang makakahanap ng magpapatibok ng puso bago matapos ang taon?
Kilalanin sina Benjie at Rosel…
Dalawang nilalang ang sasariwa sa napakakulay nilang totoong kuwento ng pag-ibig.
May kani-kaniyang kapintasan at kakulangan -sa pisikal na anyo man o sa pagtingin sa kanila ng iba pero hindi ito naging dahilan para hindi manaig ang pagkakaunawaan nila sa isa't isa.
Sa natatanging pagganap nina Benjamin Alves at Bea Binene, tunghayan ang kuwento ng dalawang nag-iibigan na nalagpasan ang mapanghusgang puso't isip ng mga nakakakilala sa kanila.
Makakasama sa nasabing episode sina Luz Valdez, Tanya Gomez, Jay Arcilla, Kristine Sablan at Karenina Haniel na pinamagatang “Palimos ng Pag-Ibig: The Benjie and Rosel Pacaldo Story”, sa ilalim ng direksyon ni Rado Peru, mula sa panulat ni Jessie Villabrille at pananaliksik ni Cynthia Delos Santos. Mapapanood ito ngayong Sabado, Dec 29, sa programang nagpapakita ng tunay na kuwento ng mga totoong tao, Magpakailanman, pagkatapos ng Daddy's Gurl.
