Anak, ilang taong hindi nakita ang amang schizophrenic sa 'Magpakailanman'
Photo Inside Page
Photos
Sensitibong usapin ng mental health ang tampok sa bagong episode ng real-life drama anthology na Magpakailanman.
Susubukan ng kundisyon sa pag-iisip ang isang pamilya sa episode na pinamagatang "Forgive Me, Father."
Mada-diagnose ng schizophrenia ang half-Russian na si Philipp kaya ipapasok siya sa isang rehabilitation facility.
Dahil dito, lalaki ang anak niyang si Ruslan nang malayo sa kanya.
Makakalabas naman si Philipp sa facility pero magkakaroon siya ng episode kung saan pagtatangkaan niya ang buhay ni Ruslan.
Mapipilitan naman si Ruslan na muling ipasok ang ama sa facility at lilipas ang ilang taon na hindi niya ito makikita.
May pag-asa pa bang magkita muli sina Ruslan at Philipp?
Abangan ang brand-new episode na "Forgive Me, Father," April 5, 8:15 p.m. sa Magpakailanman.
Naka-livestream din nang sabay ang episode sa Kapuso Stream.
Samantala, silipin ang ilang eksena ng episode sa gallery na ito:
