'Luv is: Caught in His Arms' records high TV ratings since premiere
Tumabo ng magkakasunod na matataas na ratings ang bagong kilig series ng GMA na Luv is: Caught in His Arms sa unang tatlong gabi pa lamang nito sa GMA Telebabad.
Base sa preliminary at overnight data ng NUTAM People ratings, nakakuha ang nasabing programa ng 8.8 percent TV ratings sa pilot episode nito, Lunes, January 16. Tumaas pa ito sa 9.1 percent sa ikalawang episode nitong Martes, January 17, at mas lalo pang namayagpag sa ikatlong episode nito kagabi, Miyerkules, January 18, sa TV ratings na 9.3 percent.
Ang nakuhang matatas na ratings ng naturang serye ay higit na mas mataas kumpara sa mga katapat nitong programa sa ibang TV stations.
Ang Luv is: Caught in His Arms ay ang first collaboration project ng GMA Network at ng Wattpad Webtoon Studios. Ito ay ang TV series adaptation ng hit Wattpad novel na Caught in His Arms na first-ever primetime series din ng tinaguriang next generation leading lady at leading man na sina Sofia Pablo at Allen Ansay.
Samantala, trending topic din online ang world premiere ng serye kung saan nakatanggap ito ng iba't ibang positibong reaksyon mula sa netizens at mga manonood.
Ayon sa ilang netizens, natutuwa sila dahil na-maintain ng production ng series ang mga eksena ng kuwento mula sa Wattpad novel.
“Siguro I'm not the only one who doubted the adaptation at first but after seeing the pilot episode I could say that GMA really did their best to maintain what's originally written in the book,” komento ng isang netizen.
Siguro I'm not the only one who doubted the adaptation at first but after seeing the pilot episode I could say that GMA really did their best to maintain what's originally written in the book. #LuvIsCaughtInHisArms #CaughtInHisArmsPremiere
-- 𝒩𝒾𝒸ℴ𝓁ℯ 🌷 (@lavienrosealee) January 16, 2023
Dagdag naman ng isang fan, “Sobrang ganda nga talaga ng Episode 1. We can already see similarities with the book and parang may mga scenes na alternate universe ganern. The acting, cinematography, setting, & wardrobe are all on point. Grabe, kudos to GMA!”
Sobrang ganda nga talaga ng Episode 1. We can already similarities with the book and parang may mga scenes na alternate universe ganern. The acting, cinematography, setting, & wardrobe are all on point. Grabe, kudos to GMA! 🙌🏻#CaughtInHisArmsPremiere#CaughtInHisArmsFirstFlight
-- m (@mazilahreign269) January 16, 2023
Patuloy na tumutok sa Luv is: Caught in His Arms, weeknights, 8:50 p.m. sa GMA Telebabad. Mapapanood din ito sa GTV, Monday to Thursday, 11:30 p.m., at every Friday, 11:00 p.m. Balikan naman ang mga episode sa Pinoy Hits, channel 6 sa GMA Affordabox at GMA Now.
SILIPIN ANG BEHIND THE SCENES PHOTOS NG LUV IS: CAUGHT IN HIS ARMS SA GALLERY NA ITO:
