luv is caught in his arms
TV

'Luv is: Caught in His Arms' director talks about production of TV adaptation of hit Wattpad novel

By Jimboy Napoles
Paano nga ba nabuo ang ang TV adaptation ng hit Wattpad novel na 'Caught in His Arms'? Alamin DITO:

Proud na ibinahagi ng TV at Film director na si Barry Gonzalez kung ano ang mga naging preparasyon nila sa paggawa ng bagong kilig series ng GMA na Luv is: Caught in His Arms, na first collaboration project ng GMA Network at ng Wattpad Webtoon Studios.

Ang naturang proyekto ay ang TV series adaptation ng hit Wattpad novel na Caught in His Arms. Ito na first-ever primetime series ng tinaguriang next generation leading lady at leading man na sina Sofia Pablo at Allen Ansay.

Nitong Lunes, January 16, matagumpay ang naging world premiere ng serye na napanood ng marami sa GMA Telebabad. Patunay rito ang positibong reaksyon at komento online ng mga manonood at fans ng nasabing Wattpad novel, na natuwa dahil maganda ang naging execution ng mga eksena mula sa libro na inilagay sa serye.

Sa media conference ng Luv is: Caught in His Arms noong July 11, ibinahagi ni Direk Barry ang kanilang sikreto sa pagbuo ng series. Ayon sa direktor, batid niyang marami ang tututok sa nasabinbg serye dahil may sarili nang fan base ang mismong nobela.

Aniya, "Kahit sa movies kapag meron mga adaptation, marami talagang mga tanong 'yan, maraming kuwestiyon, 'Bakit iba 'to? Bakit iba 'yan? Bakit hindi ganyan si ganito at bakit hindi ganyan si ganyan?' Siyempre, kapag ina-adapt na natin 'yan, we give it to the core kung sino 'yung dine-deliveran natin, of course, it came from a novel and then kapag in-execute na natin, we give it to the people kung ano 'yung kailangan."

Sinigurado rin ng direktor ang pagkonsulta sa Wattpad Webtoon Studios sa mga dapat baguhin upang umakma ang execution ng kuwento sa isang TV series.

Kuwento niya, "So we ask, of course, naman Wattpad if it is okay to remove this, add this, para lang din kasi ma-compliment at mabuo natin kung ano 'yung kailangan natin ipakita, ipalabas, kung paano natin siya i-execute, tinatanong din namin kung tama at okay ba ito."

Dagdag pa niya, "So, its a collaboration naman e, it's for everyone, its for the readers and its also for the viewers."

Samantala, bukod sa mga bida ng serye na sina Sofia at Allen, kasama ring nagbibigay kilig dito ay ang ilan sa Sparkada boys at newest Kapuso heartthrobs na sina sina Michael Sager, Vince Maristela, Raheel Bhyria, at Sean Lucas.

Panoorin ang Luv is: Caught in His Arms, weeknights, 8:50 p.m. sa GMA Telebabad. Mapapanood din ito sa GTV, Monday to Thursday, 11:30 p.m., at every Friday, 11:00 p.m. Balikan naman ang mga episode sa Pinoy Hits, channel 6 sa GMA Affordabox at GMA Now.

SILIPIN ANG BEHIND THE SCENES PHOTOS NG LUV IS: CAUGHT IN HIS ARMS SA GALLERY NA ITO:

Pinoy Big Brother Celebrity Collab Edition
NPC SEAL
We use cookies to ensure you get the best browsing experience. By continued use, you agree to our privacy policy and accept our use of such cookies. For further information, click FIND OUT MORE.