Mavy Legaspi at Kyline Alcantara, may 'pressure' sa ibang kapwa love teams?

Sa kabila ng pagkakaroon ng mga bagong love team ngayon sa showbiz, nananatili namang matatag ang tambalang MavLine nina Mavy Legaspi at Kyline Alcantara.

Kasalukuyang napapanood ngayon sina Mavy at Kyline sa kanilang first-ever Kapuso series together as lead stars na Love At First Read - ang television adaptation ng hit Wattpad novel na may parehong titulo.

Ito rin ang second installment sa Luv Is series na collaboration project ng GMA at ng Wattpad Webtoon Studios.

Sa isang panayam, tinanong ng GMANetwork.com ang Sparkle sweethearts kung may pressure ba silang nararamdaman sa iba pa nilang kasabayan na love teams.

Sagot dito ni Mavy, “Ako honestly, Kyline knows my personality hindi ako 'yung type ng tao na nape-pressure because I am proud and confident kung anong meron kami.

“I know it may be cliche na ang daming nagsasabi nito na hindi authentic 'yung ibinibigay namin but I know deep inside in my heart and God knows how authentic we really are kaya hindi ako natatakot because we're not acting, we're not pretending to be this or that, we're not trying to play a role in a love team, siyempre may roles but just Kyline and Mavy.”

Ayon pa kay Mavy, ang pressure na kanilang nararamdaman ay dahil sa trabaho at hindi tungkol sa iba pang pares.

Aniya, “MavLine is just who Kyline is, who I am, and what we bring together, it's just authentic on and off camera. So if we have something authentic and different e, 'di bakit ako mape-pressure? I guess 'yung pressure sa work pero as a love team no.”

Paglilinaw naman ni Kyline, “Pero we're not saying na 'yung ibang love teams hindi sila authentic, hindi sila genuine, it's just we're talking about us 'yun po kami.”

“Genuine, authentic, cute,” biro pa ng aktres.

Pagbabahagi pa ni Mavy, wala silang masamang tinapay sa mga kapwa nila love teams dahil ang totoo ay magkakaibigan naman sila harap at likod ng kamera.

“A lot of prime love teams and up and coming love teams magkakaibigan naman kaming lahat e. We're really close friends outside the cameras and all that lahat naman kami magkaibigan, so this is just me talking about us, so I have no pressure because my belief and trust kay Kyline is huge and immense kaya hindi ako natatakot or nape-pressure,” anang binatang aktor.

Samantala, kamakailan ay inamin naman ni Kyline na nasa ligawan stage sila ngayon ni Mavy at hindi naman nila minamadali ang lahat sa kanilang relasyon.

Patuloy naman na panoorin sina Mavy at Kyline sa bagong kilig series ng GMA na Love At First Read, gabi-gabi bago ang 24 Oras.

KILALANIN ANG IBA PANG KAPUSO LOVE TEAMS SA GALLERY NA ITO: