Jo Berry gets touching birthday message from Geneva Cruz
Mortal mang magkaaway sina Geneva Cruz at Jo Berry sa GMA afternoon drama na Little Princess, in real life naman ay malapit sila sa isa't isa.
Pinatunayan ni Geneva na trabaho lang ang kanyang role bilang matapobre at sakim na si Odessa sa Little Princess dahil ang totoo niyan, itinuturing niyang tunay na inspirasyon ang bidang si Jo na gumaganap na Princess sa serye.
Supportive din si Geneva sa mga guest appearance ni Jo sa telebisyon. Kamakailan ay prinomote pa niya ang dokumentaryo ni Howie Severino tungkol sa little person sa I-Witness para sa January 29 episode ng programa.
Hindi rin nakalimutan batiin ni Geneva si Jo sa kanyang 28th birthday.
Sa Instagram post ng actress/singer ngayong February 9, ipinost niya ang birthday greeting sa kanyang co-star na in-address niya sa kanyang Little Princess character, na isang warrior din sa tunay na buhay.
Ani Geneva, "Happy Birthday to our Princess warrior @thejoberry! Thank you for inspiring so many people, especially children, and women… it's time others learn that we can inspire, motivate and encourage instead of bash and hate."
Bahagi pa ni Geneva, proud siya sa mga narating ni Jo sa kabila ng kanyang kondisyon.
Patuloy ni Geneva, "All of us were created by God beautifully and imperfectly, and it's up to us to water our valuable traits and do what we do best and what we are designed to achieve because by doing that, you're not only helping yourself grow but also the people around you. Keep being you!!!"
Kinongratulate pa ni Geneva si Jo sa success ng kanilang show.
"Congratulations on the success of our teleserye; your tatay, kuya, and my mom are probably praying and cheering us on from heaven.
"May blessings and love be upon you always! Love you, sweetie! Here for you always! xoxo"
Sa Little Princess, asawa ni Odessa ang businessman na si Marcus (Jestoni Alarcon).
Nakakabangga ni Odessa si Princess dahil ito ang ituturing na tagapagmana ng kumpanya ng mister matapos mamatay ang kanilang anak na si Jewel (Lala Vinzon).
Ang Little Princess ay mula sa direksyon nina L.A. Madridejos at Don Michael Perez.
Mapapanood ang serye weekdays sa ganap na 3:25 p.m. sa GMA Afternoon Prime. Maaari ring i-stream ang full episodes nito sa GMANetwork.com o GMA Network app.
Samantala, ngayong magsisimula na ang corporate leadership ni Jo sa Little Princess, silipin dito ang ilan niyang cute outfits as CEO sa GMA series:
