Na-miss ng mga Kapuso ang isa sa mga pinakamagaling na aktres sa industriya na si Lauren Young. Ilang tulog na lang ay mapapanood na muli si Lauren sa bagong afternoon teleserye na Legally Blind.
Makakasama rito ni Lauren sina Janine Gutierrez, Mikael Daez, Rodjun Cruz, Marc Abaya at veteran stars na sina Chandra Romero at Ricky Davao na tumatayo ring direktor ng GMA Afternoon Prime soap.
Sa panayam sa Kapuso actress sa ginanap na grand press conference ng Legally Blind last Saturday, February 11, naikuwento niya ang mga pinagkaabalahan niya sa loob ng isang taong pamamahinga sa industriya.
Aniya, kinailangan niyang magpahinga matapos sumabak sa Kapuso primetime series na MariMar. “MariMar was a very intense show. It required a lot of energy, time, and preparations. So after mag-end ‘yung MariMar, good timing lang din na I took one year off,” ani Lauren.
Dagdag pa niya, nag-focus din siya sa isang production company kung saan nakasama niya ang kaniyang mga kaibigan. “I pursued other things. I have a production company with some of my friends. We're producing content for ad agencies like digital campaigns," saad niya.
"Now, I’m ready to comeback to showbiz," pahayag ni Lauren.
Pakiramdam ni Lauren na ang pagkawala niya ng isang taon sa showbiz ay nakatulong para mag-mature siya at matuto na bigyang halaga ang blessings na dumarating sa kaniyang buhay.
“I value my work more now," pagtatapos ni Lauren.
Abangan si Lauren bilang si Charie sa Legally Blind, ngayong February 20 na sa GMA Afternoon Prime pagkatapos ng Ika-6 Na Utos.
MORE ON 'LEGALLY BLIND':
IN PHOTOS: At the press conference of 'Legally Blind'
'Legally Blind,' GMA Network's newest gripping drama series airs on February 20
Photo by: lo_young (IG)
