Yasmien Kurdi, Thea Tolentino, and Faith da Silva play 'Jojowain o Totropahin' challenge

Nagkabukingan ang cast ng Las Hermanas na sina Yasmien Kurdi, Thea Tolentino at Faith da Silva sa “Jojowain o Totropahin” challenge.

Sa latest vlog ni Yasmien Kurdi, kasama nitong naglaro ng “Jojowain o Totropahin” challenge ang mga kapatid niya sa Las Hermanas na sina Faith at Thea.

Unang nabunot ni Yasmien ang journalist at newscaster na si Atom Araullo. Pero bago pa man makasagot, hindi naiwasang magtawanan nina Yasmien, Thea, at Faith dahil sa pagbigkas ni Yasmien ng pangalan ni Atom.

Makailang ulit na sinabi ni Yasmien ang apelyido ni Atom kung saan ay tinuruan na siya ni Thea kung paano ito bigkasin.

Para kina Yasmien at Thea “jojowain” nila si Atom. Paliwanag ni Yasmien, "Ako 'jojowain' ko kasi ang pogi talaga niya e. Kaya kasama talaga siya rito lagi."

Sumunod namang nabunot ni Thea ang batikang aktor na si Albert Martinez, na kasama rin nila sa Las Hermanas bilang si Lorenzo Illustre.

Para kay Faith “jojowain” niya si Albert, "Kasi okay siyang kausap."

"For his age, well maintain sa kapugian," dagdag ni Yasmien.

"At tsaka palabiro rin," hirit pa ni Thea.

Nabunot din ni Yasmien si Primetime King Dingdong Dantes kung saan para kay Faith ay “jojowain” niya ito. "Ang ayos niya as a person, and he likes working out. 'Pag nakikita ko siya iba 'yung mata niya e. Iba 'yung titig niya."

Nabunot naman ni Faith ang “crush” niyang si Derek Ramsay na para sa kanya ay “jojowain” din. "Kaya noong nakita ko siya sa GMA talagang nagpa-picture ako sa kanya."

Pareho namang “jojowain” at “totropahin” ni Yasmien ang batikang aktor na si Gabby Concepcion. Paliwanag ng aktres, "Kasi noong pumunta kami nina pangga sa beach house niya parang siya 'yung katropa. Pero hindi ko maiwasang hindi tumingin sa kanya kasi ang pogi niya."

Para naman kina Faith at Thea “totropahin” lamang nila sina Alden Richards, Jhon Lloyd Cruz, at Tom Rodriguez.

Paliwanag ni Faith kung bakit “totropahin” niya lamang si John Lloyd, "Parang mas masaya na maging kaibigan siya."

Ibinahagi naman ni Thea na “totropahin” niya lamang si Tom dahil masaya raw itong kaeksena. Sumang-ayon din si Thea sa sinabi ni Faith tungkol kay Tom na, "He's very nice at tsaka kapag kausap mo siya parang kuya. He's very smart."

Samantala, magkakapatid ang mga karakter nina Yasmien, Thea at Faith sa upcoming series na Las Hermanas bilang sina Dorothy, Minnie at Scarlet.