Kokoy De Santos and Royce Cabrera
TV

Kokoy De Santos at Royce Cabrera, ibinahagi ang sikreto sa paggawa ng daring scenes

By Maine Aquino
Alamin kung paano ginagawa nina Kokoy De Santos at Royce Cabrera ang kani-kanilang daring scenes.

Ibinahagi nina Kokoy De Santos at Royce Cabrera ang kanilang mga sikreto sa paggawa ng intimate o daring scenes sa kanilang mga proyekto.

Sina Kokoy at Royce ay bumida na sa ilang mga successful na BL (Boys' Love) projects at nagsama na rin sila sa pelikulang Fuccbois.

Diretsuhang ibinahagi ng mahuhusay na Sparkle actors sa Just In ang kanilang mga techniques at sikreto sa paggawa ng mga intimate scenes.

PHOTO SOURCE: Sparkle GMA Artist Center

Kuwento nina Kokoy at Royce, kailangan nilang magsuot ng plaster kapag gagawa ng maseselan na eksena pero may mga pagkakataon ring hindi na sila gumamit nito.

Pagbabahagi ni Kokoy, "Nakatatlong araw na kami na naka-shoot sa Batangas kasi parang paulit-ulit na since sumisilip ('yung plaster), hindi kayang i-crop, pinakiusapan kami na kung baka puwede lang.

Pagpapatuloy niya, "E kami parang since paulit-ulit na 'yung eksena. Siyempre si Sir Ricky (Davao) pagod na rin... nagtanggal kami."

Nagtanong ang host ng Just In na si Paolo Contis ng kanilang tips para sa kaniya. Ani Paolo, may offer sa kaniya na gumawa ng isang series na may intimate scenes na tulad ng ginawa nina Kokoy at Royce.

Payo ni Kokoy, "Huwag kang magaalinlangan, 'pag nandoon ka na sa moment, go mo. Kasi 'pag napanood mo, maganda sana kaso may pero e."

Saad naman ni Royce ay dapat gawin na agad ang best para sa eksena

"Kung may isang bagay na gagawin ka, gawin mo na ng tama at maganda. Para walang pagaalinlangan, walang pagsisisi kung ano man ang magiging resulta nun."

Panoorin ang kanilang kuwentuhan sa Just In:

BALIKAN ANG ILANG PINOY BL ACTORS NA TINUTUKAN NG MGA MANONOOD:

NPC SEAL
We use cookies to ensure you get the best browsing experience. By continued use, you agree to our privacy policy and accept our use of such cookies. For further information, click FIND OUT MORE.