Shamaine Buencamino, Benjie Paras share their thoughts on being part of 'Jose and Maria's Bonggang Villa'
Makikilala n'yo na ang mga karakter ng versatile actress na si Shamaine Buencamino at former basketball star Benjie Paras sa much-awaited Kapuso sitcom na Jose and Maria's Bonggang Villa simula sa Sabado, May 14.
Sa idinaos na grand media conference noong May 5, ni-reveal na personally handpicked ang dalawa nina Kapuso Primetime King and Queen Dingdong Dantes at Marian Rivera para mapabilang sa comeback project nila sa Kapuso Network.
Gaganap si Shamaine bilang si Mama Au at si Benjie naman ang tahimik at mysterious na si Mr. Nero.
Para kay Shamaine, malaking bagay na may bagong sitcom na mapapanood ang televiewers dahil naniniwala siya na kailangan ito ng mga tao sa panahon ngayon.
Paliwanag niya, “Pero excited ako to learn in this project, to learn how to go about it. I'm so happy they chose comedy, as a way to reach out to their fans, to our viewing public.
“Kasi that's what we need now! We need to be able to laugh because we are under so much pressure.”
Taos-puso naman ang pasasalamat ng PBA legend na si Benjie Paras na napili siya ng DongYan na mapabilang sa talented cast ng Jose and Maria's Bonggang Villa.
Aniya, “Very thankful po ako and sobrang na-touch ako nung sinabi nga ni Marian [Rivera] and Dingdong [Dantes] na kasama ako doon.
“Thank you, thank you so much. Malaking bagay para sa akin.”
Walang mabibitin at sigurado ang tawanan sa world premiere ng Jose and Maria's Bonggang Villa this May 14, pagkatapos ng Pepito Manaloto.
