Vice Ganda, may request kay GMA executive Atty. Annette Gozon-Valdes

Namangha ang Unkabogable Star na si Vice Ganda sa ganda ng Kapuso actress na si Max Collins.

Nitong Huwebes (February 19), muling bumalik ang celebrity mom sa noontime variety show bilang guest judge sa “Sexy Babe” segment. Ayon kay Vice Ganda, “favorite face” niya lately si Max.

Matapos ipakilala si Max bilang isa sa judges, sinabi ni Kim Chiu kay Vice Ganda na gayahin nito ang buhok ni Max.

“Kahit mag-ganyan ako ng hair, kung wala naman akong ganyang mukha, magmumukha lang akong Sadako," sabi ng komedyante sa kaniyang co-host.

Ayon kay Max, gusto niya ang blonde hair ni Vice Ganda dahil aniya'y “blondes have more fun.”

“Sawang-sawa na ako sa fun. Gusto ko naman pretty, lagi nalang akong fun, 'di na ako naging pretty,” ani naman ni Vice Ganda.

Hirit pa niya, “Magte-text nga ako kay Ms. Annette. Sabihin ko, 'Ms. Annette, bigyan mo nga kami ng show ni Max Collins, 'yung kambal kami.”

Tanong ni Kim, “Ano'ng title?”

“'Yung kambal kami. Kambal sa Uma, daga kami,” sagot ng seasoned comedian.

Balikan ang nakatutuwang moment na ito sa video sa ibaba.

Subaybayan ang It's Showtime Lunes hanggang Sabado, 12 noon, sa GMA at Kapuso Stream.

TINGNAN ANG ELEGANT LOOKS NI MAX COLLINS SA GALLERY NA ITO.