'Tawag ng Tanghalan: The School Showdown' semi-finalists, naiyak matapos mag-triple tie
"Triple tie!" Ito ang sigaw ng It's Showtime hosts matapos ang isang malakasang kompetisyon ng biritan ang naganap sa ika-apat na araw ng "Tawag ng Tanghalan: The School Showdown Resbakbakan" nitong Huwebes (January 9).
Wagi ang tatlong resbakers na sina Francheska, Hannah Grace, at Claire matapos ipakita ang kanilang husay sa pagtanghal sa harap ng mga hurado at madlang Kapuso.
Unang nagpakita ng talento sa pagkanta si Francheska mula sa Saint Paul School of Professional Studies. Mala-R&B ang dating ng kanyang rendition sa kantang "Fallin" ni Alicia Keys.
Sinundan naman ito ng matinding biritan ni Hannah Grace sa awit na "Queen of the Night" ni Whitney Houston. Malakas na palakpakan ang natanggap ng University of St. La Salle representative matapos ang kanyang bigating performance.
Tinapos naman ni Claire ang ikaapat na araw ng TNT resbakbakan sa kanyang entertaining at husay na performance ng kantang "I'm Your Baby Tonight" ni Whitney Houston. Standing ovation ang salubong ng mga hurado at audience sa Pamantasan ng Lungsod ng Maynila student matapos ipakita ang talento nito sa tanghalan.
"Ang taray ng batch na ito, a," masayang pinuri ni Vice Ganda ang contestants. "Ang galing ninyong tatlo, girl."
"Actually, all of them did a really good job today," dagdag ni Anne Curtis.
Lahat din ng mga hurado very positive ang kanilang komento sa tatlong participants. Kaya naman hindi mapigilan ang kanilang mga luha on stage.
"Nao-overwhelm lang po kasi ang gagaling po namin tatlo at proud na proud po ako sa aming performance," emosyonal sinabi ni Hannah.
"Super happy lang po ako sa naging performances namin kasi lahat po kami kinakabahan talaga," kuwento ni Claire.
Sa huli, masayang inanunsyo ng It's Showtime hosts ang triple tie ng tatlo. Laki rin ang gulat at pasasalamat ng tatlo na sabay-sabay silang pasok sa "Tawag ng Tanghalan: The School Showdown" Ultimate Resbakbakan ngayong Sabado.
Subaybayan ang It's Showtime tuwing Lunes hanggang Sabado, 12 noon, sa GMA at Kapuso Stream.
Samantala, balikan ang "Tawag ng Tanghalan Kids" Season 2 grand finale highlights:
