Vhong Navarro, nakipagbatuhan ng linya kay Rita Daniela
Muling nakisaya ang Sparkle actress-singer na si Rita Daniela sa It's Showtime nitong Martes (June 25).
Ipinamalas ng Widows' War star ang kanyang vocal prowess nang maging guest singer muli sa “Expecially For You” segment ng naturang noontime variety program.
Pinuri ng It's Showtime hosts ang ganda ng Kapuso artist at nakakulitan pa nila ito. Matapos ito, napasabak sa aktingan si Rita nang biglang gayahin ni Vhong Navarro ang karakter ni Ken Chan na si Boyet sa hit GMA Afternoon Prime series na My Special Tatay.
Nagbatuhan ng linya sina Rita at Vhong bilang sina Aubrey at Boyet. Matatandaan na gumanap ang celebrity mom bilang si Aubrey sa My Special Tatay.
Ani pa ni Vice Ganda, “Fan siya (Vhong Navarro) nung palabas mo.”
Bukod kay Rita, bumisita rin ang Kapuso Primetime Goddess na si Carla Abellana sa It's Showtime at nag-promote ng nalalapit niyang pagbibidahang serye na Widows' War.
Mapapanood ang murder mystery drama series na Widows' War simula July 1 sa GMA Prime.
Subaybayan ang It's Showtime, Lunes hanggang Sabado, 12 noon, sa GMA, GTV, at iba pang Kapuso platforms.
