Shanelle Agustin, thankful na mapasama sa primetime series na 'The World Between Us'
Kita sa mga mata ng Kapuso teen star na si Shanelle Agustin ang saya na mapabilang sa big primetime series na The World Between Us.
Bida sa highly-anticipated soap na ito sina Asia's Multimedia Star Alden Richards, Jasmine Curtis-Smith, at Tom Rodriguez.
Sa latest online episode ng In the Limelight ng GMA Artist Center, ikinuwento ni Shanelle ang kanyang whole experience sa lock-in taping ng show. Gaganap siya bilang ang young Lia, na magiging si Jasmine paglaki.
Kuwento ni Shanelle, “It's really an honor to be part of this teleserye dahil makakasama ko mga big stars na sina Alden Richards, Jasmine Curtis-Smith, Tom Rodriguez, Miss Jaclyn Jose, and Dina Bonnevie.
“Nage-enjoy lang kami sa set, dahil sobrang bait ni Direk Dominic Zapata and ng buong prod, kaya no pressure. Ang dali lang magtrabaho.”
Looking forward na din si Shanelle sa mga susunod niyang project at dream nito na bumida soon sa isang soap.
Ni-reveal din niya na nasa kanyang bucket list ang makatrabaho si Kapuso breakout star Kyline Alcantara.
Paliwanag nito, “Ang dream role ko talaga ay maging bida. And ang gusto ko makatrabaho ay si Kyline Alcantara, dahil isa rin talaga siya personally na idol ko sa pag-arte.
“And nakakasama ko na rin siya sa acting workshop naming and masasabi ko na madali at masaya siya katrabaho.”
Mas lalong kilalanin ang GMA Artist Center sweetheart na si Shanelle Agustin at paano nabuo ang friendship nila ni Prima Donnas star Sofia Pablo sa exclusive video na ito ng In the Limelight.
