Hula Who: Sikat na DJ, pinangalanan ang pinakawalang kuwentang love team sa showbiz
Isang multi-awarded radio disk jock ang game na sinagot sa isang bagong “vodcast” kung sino sa opinyon niya ang maituturing niyang pinakawalang kuwentang love team.
Nakilala ang naturang DJ sa sikat niyang FM radio program kung saan binabasa niya ang mga letter na pinapadala ng kaniyang listeners at nagbibigay rin siya ng love advice.
Sa pilot episode ng vodcast, sinabi niya ang love team na sa tingin niya ay sablay.
“Ang walang kakuwenta-kuwenta, i-bleep n'yo na lang. Baka makalabas 'to ha?... [censored sound].”
Napa-react ang host-comedienne ng online show na: “Ahh! Alam mo marami nagagalit, akala nila may anak.”
Hirit muli ng DJ, “Ayan na, alam na! Yung bago niya ngayon ang bagay sila.”
Sabat muli ng female host: “Ayun, parang nag-swak.”
“Nahanap din niya 'yung para sa kaniya…. Tsaka naka-move on na tayo lahat dun,” obserbasyon ng popular radio host.
Dagdag pa niya, “Naging parang sine-sensationalize, pero alam naman natin na parang hindi.”
Dugtong muli ng comedienne na nag-i-interview sa kaniya, “Na-entertain naman tayo lahat, bayad naman 'yung ginawa.”
Sino kaya ang love team na tinutukoy ng multi-awarded DJ?
Alamin sa video below!
SAMANTALA, TINGNAN ANG ALL-TIME FAVORITE KAPUSO LOVE TEAMS SA GALLERY NA ITO:
Dingdong Dantes and Marian Rivera
Unang nagtambal sina Dingdong Dantes at Marian Rivera sa Filipino remake ng Mexican telenovela na 'MariMar' taong 2007. Minahal ng maraming pinoy ang on-screen chemistry ng dalawa kaya naman nagtuloy-tuloy ang kanilang tambalan sa iba pang mga TV at movie projects.
DongYan
Binansagang Kapuso Primetime King and Queen sina Dingdong Dantes at Marian Rivera at ang kanilang on-screen partnership ay naging reel-to-real relationship. Ikinasal ang #DongYan taong 2014 at itinuring itong royal wedding sa Pilipinas.
Alden Richards and Maine Mendoza
Isa sa maituturing na pinakamatagumpay na love team ng bagong henerasyon ay ang tambalan nina Alden Richards at Maine Mendoza a.k.a Yaya Dub sa segment na 'Kalyeserye' ng longest-running noontime show na 'Eat Bulaga.'
AlDub
Hindi inaasahan na magiging "phenomenal love team" ang dalawa pero talagang ang kanilang on-screen chemistry ay nagpakilig hindi lamang sa Pilipinas kundi maging sa iba pang mga bansa na nagtala pa ng record-breaking number of following at engagement sa social media.
Tom Rodriguez and Carla Abellana
From reel-to-real relationship din ang love story ng Kapuso couple na sina Tom Rodriguez at Carla Abellana. Una silang nagtambal sa seryeng 'My Husband's Lover' kung saan gumanap si Tom bilang Vincent ang husband ni Lally (Carla). Kasama ng dalawa si Kapuso Drama King Dennis Trillo bilang Eric, ang lover ni Vincent.
TomCar
Pagkatapos ng matagumpay na pagbida sa serye, nasundan pa ang kanilang TV at movie projects nang magkasama dahil sa kanilang nabuong fandom. Naging bukas naman ang TomCar patungkol sa kanilang relasyon at bago matapos ang taong 2021 ay ikinasal ang dalawa.
Jak Roberto and Barbie Forteza
Sa rami ng naging on-screen partner ng Kapuso Primetime Princess na si Barbie Forteza, ang aktor at tinaguriang "pambansang abs" na si Jak Roberto ang nanalo sa puso ng aktres. Matapos ang kanilang seryeng 'Meant to be,' itinuloy ni Jak ang pagiging malapit nila ni Barbie sa pamamagitan ng panliligaw.
JakBie
Nang kumpirmahin ng dalawa ang kanilang tunay na relasyon, naging instant favorite couple sila sa social media at nagpakilig pa sa maraming #JakBie fans.
Kylie Padilla and Ruru Madrid
Unang nagsama sina Kylie Padilla at Ruru Madrid sa remake ng fantasy series na 'Encantadia' taong 2016. Dahil sa nabuo nilang chemistry bumida rin sila sa romantic-comedy series na 'Toda One I Love' taong 2019.
KyRu
Matapos ang ilang taon na paggawa ng magkahiwalay na TV at movie projects muling nagsama ang KyRu sa first episode ng 'Regal Studio Presents' ngayong 2022 na "My Fairytale Hero." Gumawa rin ng vlog ang dalawa matapos ang kanilang mini reunion kung saan ibinahagi ng dalawa na mas lumalim ngayon ang kanilang pagkakaibigan.
RitKen
Taong 2021, bumida sa una nilang pelikula na magkasama sina Ken Chan at Rita Daniela na pinamagatang 'Huling Ulan Sa Tag-Araw' kung saan kalahok pa ito sa 2021 Metro Manila Film Festival.
