Hula Who: Isang reyna, papasok sa Bahay ni Kuya
May bagong celebrity na papasok sa Bahay ni Kuya sa susunod na episodes ng Pinoy Big Brother Celebrity Collab Edition.
Related gallery: Meet the Kapuso, Kapamilya housemates of 'Pinoy Big Brother Celebrity Collab Edition'
Paglalarawan sa kanya sa poster na inilabas ng programa sa social media, “Siya ay soafer Maganda, sobrang Monyeka, at super Dyosa.”
Sa comments section ng posts tungkol dito, mababasa na kanya-kanyang hula na ang netizens at viewers kung sino ang tinutukoy na celebrity.
Siya ay makikilala sa teleserye ng totoong buhay bilang bagong houseguest.
Sino kaya ang reynang papasok sa iconic house upang makisalamuha sa Kapuso at Kapamilya housemates?
Huwag palampasin ang pagningning ng kanyang korona sa pagpasok niya sa Bahay ni Kuya sa darating na Sabado, March 29.
Samantala, kasalukuyang naninirahan sa loob ng Bahay ni Big Brother ang Kapuso o Sparkle stars na sina Ashley Ortega, Dustin Yu, Will Ashley, Michael Sager, Josh Ford, Charlie Fleming, AZ Martinez, at Mika Salamanca.
Bukod sa mga Kapuso nasa sikat na bahay din ang Kapamilya o Star Magic artists na sina AC Bonifacio, Esnyr, River Joseph, Ralph De Leon, Klarisse De Guzman, Kira Balinger, Brent Manalo, at Bianca De Vera.
Mapapanood ang Pinoy Big Brother Celebrity Collab Edition, weekdays 10:00 p.m. at weekends, 6:15 p.m., sa GMA, Kapuso Stream, GMANetwork.com, GMA Pinoy TV, Kapamilya Online Live, iWanTFC, at TFC.
Maaari ring silipin ang mga nangyayari ngayon sa loob ng Big Brother house sa All-Access Livestream ng programa.
Abangan ang iba pang detalye tungkol dito sa GMANetwork.com at iba pang social media platforms ng GMA at ABS-CBN.
