Rita Avila, mapapanood sa upcoming figure skating series na 'Hearts On Ice'
Isa si Rita Avila sa mga batikang aktor na mapapanood sa inaabangang figure skating series na Hearts On Ice.
Kaabang-abang ang magiging role ng aktres sa serye dahil, aniya, naiiba ang kuwento nito sa mga dati na niyang naging role.
Sa interview ng GMA Network.com, ikinuwento rin ni Rita kung gaano kasaya katrabaho ang lead stars ng serye na sina Ashley Ortega at Xian Lim.
"Lahat ng mga artista rito mababait. Si Xian at [Ashley], actually, pareho silang nakakatawa. Parang chill, chill na mga bagets," sabi niya.
Photo by: msritaavila (IG)
Ibinahagi rin ng aktres ang mga dapat na abangan sa bagong serye ng GMA na Hearts On Ice.
"Siyempre 'yung mga mahilig sa skating, 'yung may mga dreams na gusto nilang ma-fulfill, exciting sa kanila 'yung magiging journey ng [serye]. I think makaka-relate sila sa iba't ibang characters namin," pagbabahagi ni Rita.
Makakasama rin sa serye ang ilan pa sa mga kilalang aktor tulad nina Amy Austria, Tonton Gutierrez, Lito Pimentel, Ina Feleo, at Cheska Iñigo. Nariyan din sina Antonette Garcia, Kim Perez, Roxie Smith, Ruiz Gomez, at Skye Chua.
Abangan si Rita bilang Yvanna sa Hearts On Ice, simula Marso sa GMA Telebabad.
KILALANIN ANG IBA PANG CAST NG HEARTS ON ICE DITO:
