'Fast Talk with Boy Abunda' mapapanood sa bagong oras simula ngayong Lunes
Around GMA
Around GMA
Ada speeds up slightly as it moves away from PH Lalaki patay sang gintiro sang gwardiya nga iya ginbuno sa Barotac Nuevo | One Western Visayas Philippine flag carrier celebrates 85th anniversary with new aircraftArticle Inside Page
Showbiz News
Mapapanood ang 'Fast Talk with Boy Abunda' pagkatapos ng 'Underage' sa GMA Afternoon Prime simula ngayong Lunes.
Bilang tugon sa demand ng Kapuso viewers, mapapanood na sa bagong timeslot ang trending showbiz talk show ng GMA na Fast Talk with Boy Abunda simula ngayong Lunes, February 6.
Mula sa dati nitong oras na 4:05 ng hapon, ngayon ay mapapanood na ang naturang programa simula 4:50 ng hapon, Lunes hanggang Biyernes, pagkatapos ng Underage sa GMA Afternoon Prime.
Mas swak na ang oras na ito upang tumutok sa mainit na showbiz balita, at spicy revelations ng mga artista sa kanilang interview kasama ang King of Talk na si Boy Abunda.
Sa pagsisimula ng programa sa bago nitong oras ngayong Lunes, espesyal din ang makakapanayam ni Boy dahil makakasama niya for the first time ang breakout loveteam na sina Barbie Forteza at David Licauco o mas kilala ngayon bilang Team FiLay mula sa kanilang mga karakter na Klay at Fidel sa pinag-uusapang historical portal fantasy series na Maria Clara at Ibarra.
Ano kaya ang mga rebelasyon na ihahatid nina Barbie at David? 'Yan ang dapat abangan mamaya.
Patuloy na tumutok sa Fast Talk with Boy Abunda, Lunes hanggang Biyernes, 4:50 p.m. na sa GMA Afternoon Prime via television broadcast sa GMA at sa iba pang digital platforms.
