BB Gandanghari, kumusta ang relasyon sa pamilya mula nang mag-transition bilang transwoman?
Masaya ang King of Talk na si Boy Abunda na muling nakasama ang kanyang matalik na kaibigan at dating aktor na si BB Gandanghari, na nakakuwentuhan niya noong Martes, January 14, sa Fast Talk with Boy Abunda.
Kuwento ni BB Gandanghari kay Boy Abunda, 16 taon na mula nang mag-transition siya bilang isang transwoman at hindi ito naging madali.
"It wasn't easy. It is the hardest. Contrary sa mga akala ng iba na everything was honeymoon, on the bed of roses, no, it wasn't. It was very difficult," sabi niya.
Bukod dito, ibinahagi rin ni BB Gandanghari ang naging relasyon niya sa mga kapatid na sina Robin at Royette Padilla, maging sa kanyang ina. Basahin sa gallery na ito.
Transition
Kuwento ni BB Gandanghari, marami siyang mga kaibigan na nawala mula nang mag-transition bilang transwoman. Aniya, "Maraming nawala. Marami kasing nagtampo dahil part of my transition was actually to isolate myself. So, maraming hindi nakaintindi doon sa isolation ko."
Pag-uwi sa Pilipinas
Ayon kay BB Gandanghari, umuwi siya ng Pilipinas noong nakaraang taon para makasama ang kanyang ina na, aniya, nagde-"deteriorate" na ang kalagayan.
Mommy Eva
Inamin ni BB Gandanghari kay Boy Abunda na takot siya sa kanyang ina na si Mommy Eva. Natatawang kuwento nito, "Kasi she made sure na hindi siya taken for granted. Kapag sinabi niyang sasampalin kita, sasampalin ka talaga niya. Hindi siya 'yung nanay na pagagalitan ka tapos bibigyan ka ng chocolate after, hindi siya ganu'n."
Robin Padilla
Sinabi ni BB Gandanghari na ang relasyon niya ngayon sa kapatid na si Robin Padilla ay "brother and sister." Kuwento niya, "Ramdam na ramdam ko 'yan kapag kasama ko 'yan. Kapag nasa pila kami, ladies first... He's treating me as a sister now more than a brother."
Mariel Padilla
Para kay BB Gandanghari, "very swak" sina Robin Padilla at Mariel Padilla sa isa't isa. Sabi niya, "I think with all due respect sa mga naging karelasyon ni Robin, I think she is the best thing that ever happened to Robin, as far as 'yung relationship is concern."
Royette Padilla
Hindi naman napigilang maging emosyonal ni BB Gandanghari nang magbigay ito ng mensahe sa kanyang pumanaw na kapatid na si Royette Padilla. "Sana magkaroon tayo ng pagkakataon na magkakuwentuhan. Gusto ko siyang makakuwentuhan, actually... Doon ko naramdaman 'yong, 'Oh my god! Galit ako.' Parang hindi ako nagkaroon ng proper goodbye, up to the last minute, wala akong moment sa kanya na just to be with us."
