Rhian Ramos, mas-confident na sa kaniyang sarili ngayon
Matapos ang ilang taon sa entertainment industry, masasabi ni Sinagtala star Rhian Ramos na mas may kumpiyansa na siya sa kaniyang sarili ngayon, kumpara noong nagsisimula pa lang siya.
Sa pagbisita ng aktres sa Fast Talk with Boy Abunda nitong Lunes, March 31, kinamusta ni King of Talk Boy Abunda kung nasaan ngayon si Rhian sa kaniyang buhay at karera. Pag-amin niya, nabubuhay siya ngayon sa “best years” ng kaniyang career.
“I've been getting very very challenging roles so it's definitely not boring, alam mo 'yun, 'yung parang nacha-challenge pa rin ako and nahihirapan. And I just feel like I've also matured na a lot, like I have a lot of experience and knowledge already so I kind of have more what it takes now to handle the pressure,” sagot ng aktres.
Pag-amin pa ng aktres ay nakahanap siya ng bagong kumpiyansa at sinabing mas natanggap na niya ngayon ang sarili.
“I'm not perfect but I like everything about myself where earlier years of my life, nafi-feel ko minsan na parang hind ko gusto 'yung sarili ko, hindi ko mahal 'yung sarili ko,” sabi ni Rhian.
BALIKAN ANG MGA PAPURING NATANGGAP NI RHIAN SA PAGGANAP NIYA BILANG SI MARGARET SA 'ROYAL BLOOD' DITO:
Aminado si Rhian na marami siyang self-hate noong kabataan niya. Ngunit aniya ay na-let go na niya ang mga iyon sinabing hinarap na niya ang mga issues na iyon noon. Kaya naman ngayon, puno na ng pagmamahal ang aktres sa kaniyang sarili, at sinabing proud siya sa pagharap ay paglagpas niya sa mga pagsubok na pinagdaanan.
“Na-let go ko na lahat 'yun. I think 'I've dealt with so many of my dramas and my issues already na whatever I am now, parang I love myself, I support myself, I'm proud of myself,” sabi ng aktres.
Sa ngayon ay thankful si Rhian dahil naging parte siya ng iba't-ibang magagandang proyekto kabilang na ang Captain Barbell na itinuturing niyang unang serye niya, La Lola, Stairway to Heaven, The Rich Man's Daughter, at Royal Blood.
Ngayon ay bibida naman si Rhian sa isang musical film na Sinagtala kung saan makakasama niya sina Glaiza De Castro, Rayver Cruz, Arci Munoz, at Matt Lozano. Ipapalabas na ang kanilang pelikula ngayong April 2.
Panoorin ang panayam kay Rhian Ramos dito:
