Valeen Montenegro at Dasuri Choi, binalikan kung papaano sila nagkakilala
Kilala bilang matalik na magkaibigan sina Valeen Montenegro at Dasuri Choi na pinapatunayan din naman nila sa kanilang TikTok videos at posts. Ngunit bago pa sila unang nagkatrabaho sa longest-running gag show na Bubble Gang, matagal na sila umanong magkakilala.
Sa Fast Talk with Boy Abunda nitong Martes, November 5, ay binalikan nina Valeen at Dasuri ang una nilang pagkikita at kung papaano sila nagkakilala bago tuluyang naging malapit na magkaibigan.
Ayon kay Dasuri, nag-umpisa ang lahat dahil sa hot pot. Kuwento ng dancer at host, nasa iisang dressing room sila noon ni Valeen para sa isang event nang mapag-usapan nila ng kaniyang manager ang hot pot. Dahil umano sa Filipino culture, naisip ni Dasuri na imbitahan si Valeen.
“'Yung hot pot po, I asked her, 'You wanna join hot pot?' sabi niya, 'What time? Where?' sinabi ko lang po tapos after that day, nandu'n po kami ng manager ko sa hot pot tapos sabi ko, 'Kinakabahan ako, baka pupunta talaga siya.' Ta's pumunta siya, dumating siya,” Kuwento ni Dasuri.
Dagdag ni Valeen, pawis na pawis pa siya noon kakamadali at hanap ng parking dahil late na siya.
“Alam ko kasi na since she's Korean, she doesn't like late, she doesn't like being late, she's very on time,” sabi pa ng comedienne-actress.
Pagpapatuloy ni Dasuri, “So late siya, akala ko hindi na siya darating. Dumating! Sabi ko, 'Hi! You're here!' So nag-usap po kami nu'n, after nu'n naging close na kami lalo.”
Kinumprima rin ng batikang host na si Boy Abunda kung sa Korea ba ay kailangan din mag-invite 'pag naririnig silang nag-uusap tungkol sa pagkain or paggala sa labas.
Sagot ni Dasuri, “No need. Parang kunyari po, dito sa Pinas, kumakain ka tapos may pumasok, 'Kain po.' Wala pong ganu'n (sa Korea). So dati, someone said 'Kain po,' talagang umupo po ako tapos kumain ako. Kala ko kailangan.”
TINGNAN ANG ILAN PANG INSEPARABLE CELEBRITY BESTIES SA GALLERY NA ITO:
