Jose Mari Chan's Christmas wish this year: 'Our economy to improve'

Ibinahagi sa Fast Talk with Boy Abunda ng tinaguriang King of Pinoy Christmas Music na si Jose Mari Chan ang kanyang Christmas wish ngayong taon.

Sa episode ng nasabing programa ngayong unang araw ng “Ber” months, September 1, masayang nakipagkuwentuhan ang batikang TV host na si Boy Abunda kay Jose.

Sa “Fast Talk” segment, tinanong ni Boy si Jose kung ano ang perfect Christmas para sa kanya.

Sagot naman ng batikang singer-songwriter, “A perfect Christmas is… is being with family.”

“Huling pinagdasal sa Diyos?” sumunod na tanong ni Boy.

May kinalaman naman sa bansa ang naging tugon dito ni Jose. Aniya, “I'm praying for our country that our people will be lifted out of poverty.”

Sa pagpapatuloy ng panayam ni Boy kay Jose, tinanong niya ito tungkol sa kanyang hiling ngayong Pasko.

“What is your Christmas wish this year?” ani Boy kay Jose.

Saglit naman na natahimik si Jose at sinabing, “My Christmas wish is for our economy to improve.”

“My personal wish is to continue good health and happiness with our family, with our children and grandchildren.”

Samantala, sa pagbisita ni Jose sa Fast Talk with Boy Abunda ay inawit niya rin ang kanyang classic Christmas song na “Christmas In Our Hearts” kasama ang Kapuso singer na si Zephanie.

Patuloy naman na tumutok sa Fast Talk with Boy Abunda sa GMA Afternoon Prime via television broadcast sa GMA at sa iba pang digital platforms.