Kakai Bautista on her relationhip status: 'I chose to be single sa phase ng buhay ko na ito'
Proud na ibinahagi ng comedienne-actress na si Kakai Bautista sa Fast Talk with Boy Abunda na masaya siya ngayon sa kaniyang buhay bilang single.
Sa panayam ni Kakai kasama ang kaniyang kaibigan at kapwa komedyante na si Cai Cortez kay Boy Abunda, tinanong ng huli ang dalawa kung kaya ba nilang mabuhay nang walang lalaki.
Sagot dito ni Kakai, “Sa ngayon, oo.”
Paliwanag niya, “Pero wala naman kasing nabubuhay talaga nang walang kasama pero I chose to be single sa phase ng buhay ko na ito na I'm just enjoying my life on my own, no distractions.”
Ayon kay Kakai, pinili niya ngayon ang maging single.
Aniya, “Kasi Tito Boy late na akong nag-start mag-enjoy sa buhay so gusto ko munang namnamin 'yun para ready na ako when I fall in love again.”
Para sa aktres, mas magiging handa siyang pumasok sa isang relasyon kung magagawa niyang mahalin muna ang sarili.
“I'm so ready because I have embraced myself wholeheartedly and completely para wala na masyadong issues kapag nagkaroon ako ng love life,” ani Kakai.
Patuloy naman na tumutok sa Fast Talk with Boy Abunda pagkatapos ng The Seed of Love sa GMA Afternoon Prime via television broadcast sa GMA at sa iba pang digital platforms.
SILIPIN ANG SEXY BEACH PHOTOS NI KAKAI BAUTISTA SA GALLERY NA ITO:
