Endless Love: Patuloy na lumalaban si Jenny sa sakit na Leukemia | Week 15
Sa ikalabing-limang linggo ng Endless Love, patuloy na lumalaban si Jenny Cruz (Marian Rivera) sa sakit na Leukemia.
Hindi rin siya nag-iisa sa paglaban sa sakit na ito dahil parating naririyan si Andrew Tantoco (Dennis Trillo) para sa kanya. Makikita ang labis na pagmamahal ni Andrew para kay Jenny kahit na alam nitong si Johnny Dizon (Dingdong Dantes) pa rin ang nasa puso ni Jenny.
Nagkataon naman na sa ospital din na iyon dinala si Yumi Ramirez (Bela Padilla) ng kanyang ina para ipatingin ang mga binti nito. Nang makita ni Yumi sina Jenny at Andrew na magkasamang naglalakad sa ospital, agad niyang tinawag si Andrew. Nakausap din ni Yumi si Jenny at dito na niya nalaman na totoong may cancer ang huli.
Dahil sa umaasa pa rin siyang magkakabalikan sila ni Johnny, pinili ni Yumi na itago ang nalalaman tungkol sa sakit ni Jenny.
Samantala, kinakailangan na agad maoperahan ni Jenny dahil sa patuloy na pagbaba ng kalusugan nito. Nahirapan naman si Andrew na makahanap ng donor para sa isasagawang operasyon kay Jenny dahil maging ang pamilya nito ay hindi tumugma sa kinakailangang bone marrow transplant.
Dahil sa kritikal na kondisyon, hindi na nagdalawang-isip si Suzy Cruz (Janice de Belen) na humingi ng tulong sa mga magulang ni Johnny na sina Robert Dizon at Katherine Dizon (Tirso Cruz III at Sandy Andolong). Matapos na malaman ang tunay na kalagayan ni Jenny, agad na nagpunta sa Maynila sina Robert, Katherine, at Suzy.
Nang muling umatake ang sakit ni Jenny, nalagay na ito sa coma. Sinabihan na rin ng doktor ang pamilya nito na maaaring ikasawi ito ni Jenny. Kahit na masakit para kay Andrew, siya na rin ang nagsabi kay Johnny ng tunay na kalagayan ni Jenny.
Patuloy na panoorin ang Endless Love, Lunes hanggang Biyernes pagkatapos ng Legal Wives.
Samantala, balikan ang mga eksena sa Endless Love:
Endless Love: Jenny's fight against Leukemia | Episode 71
Endless Love: Jenny's worsening condition | Episode 72
Endless Love: Andrew wishes Jenny to survive Leukemia | Episode 73
Endless Love: Jenny is comatose | Episode 74
Endless Love: "Jenny, gumising ka na" Johnny | Episode 75
