Endless Love: Niyaya ni Andrew si Jenny na magpakalayo-layo na lamang | Week 12

Sa ikalabing-dalawang linggo ng Endless Love, niyaya ni Yumi (Bela Padilla) si Johnny Dizon (Dingdong Dantes) na manirahan sa Amerika at doon na lamang ituloy ang naudlot na kasal.

Gayundin, idinahilan ni Yumi na sa Amerika na lamang ituloy ang pagpapagamot sa kanyang mga binti nang tuluyan nang mailayo si Johnny kay Jenny Cruz (Marian Rivera).

Patuloy naman sa pagmamakaawa si Jenny na paalisin na lamang siya ni Andrew Tantoco (Dennis Trillo) sa resort dahil pinapahirapan lang siya nito. Pero hindi pumayag si Andrew dahil nais niyang makitang nahihirapan si Jenny.

Samantala, nagsisimula nang makaranas si Jenny ng pananakit ng tiyan na sintomas ng pagkakaroon nito ng sakit. Sa pag-uusap nila ni Andrew, bigla na lamang hinimatay si Jenny na agad namang itinawag ni Andrew kay Johnny at dinala sa ospital.

Sa inihandang gallery exhibit ni Shirley Dizon (Nadine Samonte) para kay Johnny, muli na naman nitong ipinahiya si Jenny sa lahat. Ipinakita nito ang painting na hindi naman ginawa ni Johnny kung saan mukhang babaeng ahas dito si Jenny. Para maipagtanggol at hindi mapahiya sa lahat, binili ni Andrew ang painting ng kalahating milyon.

Muling kinausap ni Andrew si Jenny at inayang magpakalayo-layo na lamang silang dalawa bilang isang magkaibigan. Nais lamang ni Andrew na mailayo na si Jenny sa gulo kahit na hindi siya mahalin nito.

Patuloy na panoorin ang Endless Love, Lunes hanggang Biyernes pagkatapos ng Legal Wives.

Samantala, balikan ang mga eksena sa Endless Love:

Endless Love: The ex-lovers meet again | Episode 56

Endless Love: Jendrew is back | Episode 57

Endless Love: Andrew flaunts his new girlfriend | Episode 58

Endless Love: Andrew plans to elope with Jenny | Episode 59

Endless Love: Shirley plans to assault Johnny | Episode 60