Ang bagong kampon ni Hagorn | Ep. 133

Kasalukuyang nagre-rerun ang award-winning Kapuso telefantasya na Encantadia sa GMA Primetime.

Sa September 23 (Miyerkules) episode nito, nagtagumpay si Hagorn (John Arcilla) mula sa hamon ng Bathalang Arde kaya't pumayag ito sa kahilingan ng Hari ng mga Hathor na ibalik ang kaluluwa ng mga yumao niyang mandirigma na siyang gagamitin niya sa nalalapit na digmaan laban sa mga diwata.

Dahil sa kanilang natatanging bagsik at lakas, babansagan ni Hagorn ang kaniyang bagong kampon na mga "Hadezar."

Mapapag-alaman ito ng mga Sang'gre na sina Amihan (Kylie Padilla), Alena (Gabbi Garcia), at Danaya (Sanya Lopez) kaya't dali-dali silang nagpunta sa Hathoria upang masukat ang lakas ng mga mandirigmang ito.

'Wag palampasin ang bawat tagpo sa Encantadia, gabi-gabi sa GMA Primetime, pagkatapos ng 24 Oras.