ICYMI: Ang bagong yugto ng 'Eat Bulaga' kasama ang bagong hosts at segments
Halos limang dekada nang umeere sa telebisyon ang tinaguriang longest-running noontime show sa bansa na Eat Bulaga. Ngayong 2023, isang panibagong yugto na naman ang sinimulan ng programa kasama ang mga bagong host
Sa episode ng Eat Bulaga ngayong Lunes, June 5, ipinakilala na ang mga bagong magpapatutuloy ng pagpapasaya sa maraming manonood. Kabilang na rito sina Paolo Contis, Buboy Villar, Betong Sumaya, ang Legaspi twins na sina Mavy at Cassy Legaspi, at ang aktres na si Alexa Miro.
Sa nasabing live episode, makulay at masayang production numbers ang sumalubong sa mga manonood kasama ang mga bagong hosts.
Bukod dito, maraming bago at exciting segments din ang ipinakilala na nagbigay ng papremyo sa studio at TV audiences.
Narito ang ilan sa mga naging kaganapan sa pagbabalik-live ng Eat Bulaga:
Bagong yugto
June 5, 2023, muling nagbalik sa live ang episode ng Eat Bulaga kasama ang mga bago nitong host.
Blessing
Bago simulan ang live episode, nagkaroon muna ng misa kasama ang buong produksyon ng Eat Bulaga upang ipagdasal sa Diyos ang tagumpay ng kanilang muling pag-ere.
Production numbers
Iba't ibang production numbers ang inihandog ng mga host sa opening ng kanilang first live.
XOXO
Kasama ring nagbigay saya sa pamamagitan ng kanilang performance ang P-pop girl group na XOXO kasama sina Dani Ozaraga, Mel Caluag, at Lyra Micolob.
Watch, Copy, & Post
Isa sa bagong segments ng Eat Bulaga ay ang “Watch, Copy, and Post,” kung saan gagayahin lamang ng studio audience o ng TV audience ang dance steps na ibibigay ng hosts, at puwede na silang manalo ng cash prizes.
Count Me In, You Win
Sa “Count Me In, You Win” segment naman, kailangan lamang bilangin ng TV audience ang Eat Bulaga o EB logo na kanilang makikita sa TV screens. Kung tama ang bilang, maaaring manalo ang sasaling TV audience ng isang brand new Iphone 14.
Ikaw ang Pinaka
Aabot naman sa PhP10,000 ang puwedeng matanggap ng studio audience sa isa pang bagong segment na “Ikaw Ang Pinaka,” kung saan kailangan lamang makapasok sa requirement ng isang TV audience sa category na hinihingi ng mga host.
Dance number
Humataw din sa isang dance number sina Mavy at Cassy Legaspi kasama ang versatile actor na si Kokoy De Santos.
