IN PHOTOS: Mga generous actions at donations ng ilang 'Bawal Judgmental' guests
Maliban sa pagbubukas ng mga mata ng manonood sa ilang isyu at current events na nangyayari sa bansa, naging platform din ng celebrities ang Bawal Judgmental upang magbigay tulong sa mga nangangailangan.
Mula sa pagdo-donate ng kanilang prize money hanggang sa pagbigay tulong sa mga kababayan na nawalay sa kanilang pamilya, tingnan ang ilang generous actions at donations ng ilang 'Bawal Judgmental' guests at ng show sa gallery na ito.
Arnel Pineda
Noong December 25 episode ng 'Bawal Judgmental,' buong pusong ibinahagi ni Arnel Pineda ang PhP 30,000 sa Tahanang Walang Hagdanan kung saan nanggaling ang participants ng show noong araw na iyon.
Riza Faulkerson
Hindi nag-alangan sa pag-donate si Riza Faulkerson nang ibinahagi niya ang PhP 40,000 sa charity ng kanyang kuya na si Alden Richards. Ayon kay Alden, makakatulong ito sa mga Aetas na nasa Bamban, Tarlac.
Isko Moreno
Hinati ni Mayor Isko Moreno ang kanyang PhP 35,000 prize money sa pitong OFWs na naging participants noong araw na iyon. Maliban diyan, ibinigay din niya ang kanyang talent fee sa isang heart center na dinoble naman ng 'Eat Bulaga.'
Tessie Tomas
Ang Katbalaoganon Foundation ang nagsilbing beneficiary ng PhP 40,000 prize money ni Tessie Tomas upang mapondohan ang ilang libraries at learning centers sa kanyang hometown na Catbalogan, Samar.
Nora Aunor
Ibinahagi ni Superstar Nora Aunor ang kaniyang PhP 35,000 sa Santuario de Espiritu Santo sa Valenzuela City na tumutulong sa mga batang walang tirahan.
Sen. Tito Sotto
Ipinaalam ni Vic Sotto na tutulungan ng 'Eat Bulaga' pati ng kanyang kapatid na si Senator Tito Sotto ang pagbayad ng medical bills ng mga asawa ng participants na mayroong malulubhang sakit.
Heart Evangelista
Inilaan ni Heart Evangelista ang PhP 25,000 prize money niya sa pagbili ng Vitamin C para sa mga batang may thalassemia, isang blood disorder.
Kabuhayan ni Juan
Dahil sa pandemiya na COVID 19 inihayag ni bossing Vic Sotto ang pagbigay nila ng ayuda sa 7 jeepney drivers na nagsilbing participans para kay Meg Imperial sa ilalim ng kanilang Kabuhayan ni Juan project.
Charities
Noong Setyembre, ang guest choices ng show ay workers ng ilang charitable organizations. Dahil sa kanilang kawanggawa, nagbigay ng donation ang 'Eat Bulaga' sa kani-kanilang charities.
Reunion
Dahil sa show, muling nabalik sa piling ni Muriel Morena ang anak niyang si Earl John. Ani Muriel, mahigit isang taon na niyang hinahanap ang anak.
Family
Muli rin nakapiling ni guest choice Jash ang kanyang ina dahil sa Bawal Judgmental. Kuwento ni Jash sa 'Eat Bulaga,' isang wish come true para sa kanilang pamilya ang magsama-sama ngayong Pasko pagkatapos mawalay nang halos 27 taon.
Alden Richards
Ibibigay daw ni Asia's Multimedia Star Alden Richards ang napanalunan niyang PhP 45,000 sa isang fan niyang may cancer. Si Alden ang celebrity guest judge sa 'Bawal Judgmental' noong January 2, 2021, mismong araw ng kanyang 29th birthday.
