READ: Kim Domingo, isa sa mga celebrity models ng Blogger's Style Camp 2017
Isa sa tatlong Kapuso stars na magmo-model para sa Blogger's Style Camp (BSC) 2017 at magiging face ng award-winning campaign na #HeartOverHate ay walang iba kung hindi ang Super Ma'am star na si Kim Domingo.
Ano naman kaya ang pakiramdam ng Kapuso actress ngayong parte siya ng BSC 2017?
Ayon kay Kim, "Unang-una, happy ako na nakabilang ako sa Blogger's Style Camp. Masaya 'yung buong shoot namin."
Sa BSC, maglalaban ang dalawang teams sa pagandahan ng pag-style sa mga artista at pag-conceptualize ng shoot na nagpapahayag ng tema na #HeartOverHate. May mensahe naman si Kim para sa Team Action at Team Rainbow.
"Kung sino man ang manalo, isipin n'yong lahat na kayo ay magagaling," wika ng aktres.
Maliban kay Kim, magiging parte rin ng BSC 2017 sina Meg Imperial at Matthias Rhoads.
