Kylie Padilla, nagpapasalamat sa mainit na pagsubaybay ng manonood sa 'Bolera'
Labis ang pasasalamat ni Kylie Padilla sa mainit na suportang natatanggap para sa pinagbibidahang Kapuso serye na Bolera.
Ikapitong linggo na ngayon ng Bolera at patuloy pa rin ito sa paghataw sa ratings. Noong Biyernes, July 8, nakapagtala ang sports series ng pinakamataas na ratings na pumalo sa 15.3 percent base sa NUTAM People Ratings ng Nielsen Philippines. Nakakuha naman ang episode kahapon, July 11, ng ratings na 14.2 percent.
Sa episodes na ito, napanood ang kapana-panabik na laban ni Joni sa billiards legend na si White Lotus (Ina Raymundo) kung saan nakuha niya ang unang tropeo sa billiards.
Sa Instagram, ipinarating ni Kylie ang pasasalamat sa Kapuso viewers. Aniya, "OMG. Salamat sa lahat sa suporta!"
Patuloy na subaybayan si Kylie bilang si Joni at ang marami pang exciting na mga pangyayari sa kanyang buhay.
Huwag palampasin ang Bolera, Lunes hanggang Biyernes, 8:50 p.m., pagkatapos ng Lolong sa GMA Telebabad.
Samantala, tingnan ang behind the scenes ni Ina Raymundo sa Bolera bilang White Lotus sa gallery na ito:
