Appearance ni Dr. Kilimanjaro Tiwaquen sa 'Abot Kamay Na Pangarap,' pinag-usapan sa social media
Noong Oktubre, ikinatuwa ng Abot Kamay Na Pangarap viewers ang isang anunsyo tungkol sa pag-guest ng dalawang real-life doctors at sikat na content creators sa GMA inspirational-medical drama series.
Sa katatapos lang na episodes ng programa, napanood ang licensed physician at famous content creator na si Dr. Kilimanjaro Tiwaquen na kilala rin bilang si Dr. Kilimanguru.
Habang nasa isang symposium, nagkita-kita sina Dra. Zoey Tanyag (Kazel Kinouchi), Dr. Kilimanguru, at Dra. Analyn Santos (Jillian Ward).
Kinagiliwan ng netizens ang makulit na mga eksena nina Dr. Kilimanguru at Dra. Analyn habang pinag-uusapan nila ang malditang doktor na si Zoey.
Komento ng ilang netizens, natural na natural daw ang acting ng sikat na doktor.
Hiling naman ng ilang fans ng doktor, sana raw ay mag-guest pa sa ilang TV shows si Dr. Kilimanguru.
Panoorin ang eksenang ito:
Bago pa ito, una nang napanood sa serye ang radiologist at content creator na si Dr. Alvin Francisco.
Patuloy na subaybayan ang inspirational-medical drama na Abot Kamay Na Pangarap, mapapanood tuwing Lunes hanggang Sabado, 2:30 p.m., sa GMA Afternoon Prime.
Maaari ring mapanood ang programa online via Kapuso livestream.
SAMANTALA, KILALANIN ANG CAST NG ABOT KAMAY NA PANGARAP SA GALLERY SA IBABA:
