abot kamay na pangarap
Courtesy: GMA Network and Gideon Hidalgo (TikTok)
TV

Iconic gesture ng 'Abot-Kamay Na Pangarap' viral sa social media; ni-remake ng netizens Inbox

By EJ Chua
Pagsungkit ng pangarap ni Analyn sa #AbotKamayNaPangarap, trending online!

Ang medical drama series na Abot-Kamay Na Pangarap ay patuloy na nangunguna sa TV ratings.

Ngunit bukod dito, patuloy ding pinag-uusapan at nagte-trending ang serye at mga karakter nito.

Viral ngayon sa social media ang iconic gesture ng drama series, kung saan makikita sina Heart Ramos at Jillian Ward na tila sumusungkit ng pangarap.

Ilang netizens ang naaliw dito at ilan sa kanila ay ni-remake pa ang naturang gesture.

Iba't ibang gimik ang ginawa ng netizens, ngunit karamihan sa kanila ay ginaya ang gesture nang maabot nila ang kanilang mga pangarap.

Isa sa pinakapinusuan ng netizens ay ang entry ni Gideon Hidalgo.

Matapos ang ilang taon na pagsisipag sa isang medical school, isa nang doktor si Gideon.

Sa kasalukuyan ay mayroon nang 3.3 million views ang TikTok video ni Gideon, kung saan mapapanood na tulad ni Doc Analyn (Jillian Ward), nangyari ang pangarap niyang maging doktor.

Napapanood si Jillian Ward sa serye bilang ang pinakabatang doktor sa bansa na si Doc Analyn Santos.

Siya ay nagsisilbing inspirasyon ngayong sa napakaraming viewers at netizens.

Patuloy na subaybayan ang Abot-Kamay Na Pangarap, mapapanood tuwing Lunes hanggang Sabado, 2:30 p.m., sa GMA Afternoon Prime.

Maaari ring mapanood ang programa online via Kapuso Stream.

Maaaring balikan ang iba pang episodes ng serye rito:

NPC SEAL
We use cookies to ensure you get the best browsing experience. By continued use, you agree to our privacy policy and accept our use of such cookies. For further information, click FIND OUT MORE.