Thea Tolentino on her ideal guy: “’Yung mabait at saka gentleman.”

Bida ngayon si Thea Tolentino sa fantasy-drama Afternoon Prime series na Pyra Babaeng Apoy. Ka-loveteam niya dito si Jeric Gonzales na nakasama na din niya dati sa Teen Gen at Love and Lies. Sa totoong buhay kaya, si Jeric din ang ideal guy ni Thea?

Sa Press Conference ng Pyra, nakakuwentuhan namin si Thea, na nag-open up tungkol sa pagkakaibigan nila ni Jeric.

Ano ba ang current status ng kanilang pagkakaibigan ngayon?

“Makikita niyo po na mas naging close kami at ‘yung ilang factor, wala na. Close na talaga kami gawa din ng workshop ng Pyra, at mas nakakapag-open na kami sa isa’t isa,” sagot ni Thea.

Since close na talaga sina Thea at Jeric, may instances kaya na nagkakaroon sila ng ‘di pagkakaintindihan? Katulad ba ni Pyra kung magalit si Thea?

Aniya, “Medyo, ‘pag nagagalit. Pero, kunwari kapag magagalit ako sa isa sa ka-close ko, tapos bihira kami magkagalit, pinipigilan ko ang sarili ko pero ‘pag di kami ganun ka-close tapos nagkaroon kami ng away, hindi ko na napipigilan.”

Naikuwento ni Thea na mala-stalker ang pagkakagusto ng character ni Jeric na si Jeffrey kay Pyra. Sa totoong buhay, may pagka ganoon din daw si Jeric. Paano ba magpakita ng interes ni Jeric?

“Na-obserbahan ko sa kanya, tinitignan niya at tinititigan niya ‘yung mata,” natatwanag sabini Thea.

Kung siya naman ang tatanungin, anong mga katangian ang hinahanap niya sa ideal guy niya?

Ani Thea, “’Yung mabait at saka gentleman. Mabilis ako ma-turn off kapag hindi gentleman lalo na kapag paakyat ka ng hagdanan at naka-heels ka tapos inuunahan ka habang hirap na hirap ka.”

“Nangyari sa akin ‘yung ganun sa Sagala. Umulan kasi ‘nun tapos nababasa ‘yung gown ko tapos naka high heels ako. Ako lang nagtataas nung gown ko. ‘Yung partner ko, naglalakad lang, deadma,” pagbabahagi niya.

Para sa kanya, gentleman ba si Jeric? “Oo naman,” mabilis niyang sagot.

Kampante na rin daw siya kay Jeric dahil kumportable siyang katrabaho ito. Kung papipiliin siya, gugustuhin daw niyang si Jeric ang lagi niyang ka-loveteam.

“Sayang naman kung magkakaroon kami ng ibang ka-loveteam kasi close na kami, may bond na kami, tapos may following na rin, so sayang naman,” sabi niya.

Gentleman at mabait si Jeric, at magkasundo din sila. Hindi na namin napigilang tanungin si Thea kung may pag-asa bang maging sila ni Jeric balang araw?

Short, sweet at direct to the point siyang sumagot ng “Meron.” Catch more of Thea and Jeric in Pyra Babaeng Apoy, pagkatapos ng Maghihintay Pa Rin sa GMA Afternoon Prime.