'Wish Ko Lang' wins Best Public Service Program at the 35th Star Awards for TV
Sunod-sunod ang karangalang natatanggap ng wish-granting program na Wish Ko Lang.
Noong January 16, kinilala ang programa bilang Best TV Program (Public Affairs/Public Service) sa 7th GEMS Awards, at ngayon, kabilang ito sa mga programang binigyan ng parangal sa katatapos lamang na 35th Star Awards for Television.
Kinilala ang Wish Ko Lang bilang Best Public Service Program para sa news and public affairs.
"Lubos po ang aming pasasalamat para sa pagkakaroon ng ganitong pagkilala. Ito ay para sa inyo, mga Kapuso," pasasalamat ng Wish Ko Lang.
Ngayong 2023, nagpapatuloy ang Wish Ko Lang, kasama ang award-winning broadcast journalist na si Vicky Morales, sa 20 taon na nitong pagbibigay inspirasyon at paghahatid ng bagong pag-asa para sa mga Pilipino.
Mapapanood ang Wish Ko Lang, tuwing Sabado, alas-4 ng hapon sa GMA.
Maaari ring mapanood ng mga Kapuso abroad ang Wish Ko Lang sa GMA Pinoy TV. Para sa karagdagang impormasyon, bisitahin ang www.gmapinoytv.com.
TINGNAN ANG ILANG INSPIRING STORIES NG 'WISH KO LANG' DITO:
