Biggest collaboration TV project na 'Unbreak My Heart,' bakit nga ba dapat abangan?
Matapos pumirma ng kontrata para sa upcoming teleserye na Unbreak My Heart, ibinahagi ni Atty. Annette Gozon-Valdes, GMA Senior Vice-President for Programming, Talent Management, Worldwide, and Support Groups, kung bakit dapat abangan ng mga manonood ang biggest collaboration na ito ng GMA, ABS-CBN, at Viu Philippines.
Pagbabahagi ni Atty. Annette, “Napakaganda ng istorya, maraming twists and turns… It's not just a love story, medyo may pagka-suspense rin. So, maraming aabangan ang ating viewers para rito sa Unbreak My Heart.”
“First time that Gabbi Garcia and Joshua Garcia will work together,” dagdag pa niya.
Hindi rin dapat palampasin ng mga manonood ang mga eksena na sa Switzerland pa kukunan.
Bukod pa rito, ang upcoming series ay maituturing na reunion project ng mga aktor na sina Richard Yap at Jodi Sta. Maria, na napanood bilang dating magkatambal sa isang drama series na ipinalabas sa ABS-CBN noong 2012 hanggang 2014.
Ayon pa kay Atty. Anette, ikinagagalak ng network na makasama at makatrabaho ang mga tao sa ABS-CBN para sa isang napakalaking TV project.
Pahayag niya, “We've always respected ABS-CBN as a great content creator. We've been partnering with other content creators such as Viva, Regal, and others, so why not ABS-[CBN] 'di ba? When the opportunity came up, everything was very smooth. We are very happy to be working with them in this soap opera, wherein we are able to combine both Kapamilya and Kapuso talents. It's really for the audience… for the viewers.”
Ang ABS-CBN COO for Broadcast naman na si Cory Vidanes, ibinahagi rin na masaya siya at ang kaniyang mga kasama para sa kauna-unahang collaboration na ito sa Philippine television.
Pagbahahagi ni Cory, “I'm sure all our audiences would be so excited, because they will see the Kapamilya stars and the Kapuso stars together in one teleserye.”
Pahayag naman ni Garlic Garcia, head of Content Partnerships ng Viu Philippines, “Viu, provides the platform for Unbreak My Heart, to bring it to 16 territories all over the world, and not just for the Filipino audience but for global audiences…”
Panoorin ang report na ito:
Abangan ang iba pang update tungkol sa unexpected at biggest collaboration na ito.
SAMANTALA, KILALANIN ANG CAST NG UNBREAK MY HEART SA GALLERY SA IBABA:
