Roxie Smith
TV

Roxie Smith thankful and honored to be part of first Filipino figure skating series 'Hearts on Ice'

By Aimee Anoc
Updated On: January 27, 2023, 01:32 PM
Kabilang ang actress at beauty queen na si Roxie Smith sa cast ng upcoming series ng GMA na 'Hearts on Ice.'

Isang karangalan para kay Sparkle artist Roxie Smith na mapabilang sa cast ng first Filipino figure skating series na Hearts on Ice.

Sa interview ng GMANetwork.com kay Roxie sa naganap na story conference ng serye, exited ang aktres para sa una niyang serye sa GMA.

"It's my first serye. Syempre isang karangalan to be part of such an amazing show with 'yung mga prime artist na natin," sabi ni Roxie. "The idea pa lang of getting to work with Xian Lim, Ashley Ortega, its a dream come true. Kaya sobrang grateful po ako sa Sparkle GMA Artist Center for giving me the opportunity."

Ayon kay Roxie, isang professional figure skater ang gagampanan niya sa serye kaya naman puspusan ang ginagawa niyang training sa ice rink.

"I've been training for figure skating. I actually learned from scratch this year. Its something that interest me po talaga. First time kong natuto because of this project. So it's been a lot of ice skating and I'm going to be a kontrabida here, very different with my personality. So it's going to be a challenge pero sobrang exciting," pagbabahagi ng aktres.

Simula pa noong Hulyo ay nag-eensayo na ang aktres sa figure skating kung saan nakakasama rin niya sina Ashley, Xian, Ina Feleo, at Skye Chua.

"Gusto kong sumasabay kina Ashley at Skye na professionals talaga, nakaka-inspire kapag nakikita ko sila. As a beginner, it's really nice na makipagsabayan sa mga datihan na.

"Si Ms. Ina naka-training ko siya once. From the moment I met her very welcoming, very approachable and same with Ashley and Skye nakaka-inspire," dagdag niya.

Makakasama rin ni Roxie sa Hearts on Ice sina Amy Austria, Rita Avila, Tonton Gutierrez, Lito Pimentel, Cheska Iñigo, Kim Perez, at Ruiz Gomez.

Abangan si Roxie sa Hearts on Ice, soon sa GMA.

TINGNAN ANG NAGANAP NA STORY CONFERENCE NG 'HEARTS ON ICE' DITO:

NPC SEAL
We use cookies to ensure you get the best browsing experience. By continued use, you agree to our privacy policy and accept our use of such cookies. For further information, click FIND OUT MORE.