'Wish Ko Lang,' patuloy sa pagtupad ng kahilingan sa kanilang 'Christmas Tree ng Pag-asa'
Ilang araw na lamang, Pasko na! Ano ang wish mo?
Sa "Christmas Tree ng Pag-asa: Make Your Wish! Grant One Wish" ng bagong Wish Ko Lang, mas maraming hiling ang mabibigyang katuparan.
Ngayong Disyembre, naglagay ng Christmas tree ang bagong Wish Ko Lang para sa mga nais na magbigay kasiyahan at mabigyan ng pag-asa.
Para sa mga nais na magbigay ng regalo o kasiyahan sa kanyang kapwa, patuloy na tumatanggap ng tulong ang programa. Ipadala lamang ang inyong personal na mensahe sa Facebook page ng bagong Wish Ko Lang.
Sa mga mayroon namang kahilingang nais na matupad, iparating lamang sa itinakdang post ng bagong Wish Ko Lang ang inyong wish para sa pagkakataong mabigyang katuparan.
Para sa iba pang katanungan at detalye, bisitahin lamang ang Facebook page ng Wish Ko Lang (https://www.facebook.com/WishKoLangGMA/).
Samantala, huwag palampasin ang Christmas special episodes ng bagong Wish Ko Lang tuwing Sabado, alas-4 ng hapon sa GMA.
