Janine Gutierrez, thankful sa honesty ni Lotlot de Leon sa kanyang career

Isang malaking impluwensiya daw para kay Kapuso actress Janine Gutierrez ang kanyang mommy at kapwa aktres na si Lotlot de Leon.

Malaki daw ang pasasalamat niya dito dahil naging honest ito sa mga bagay sa kanyang career, lalo na noong nagsisimula pa lang siyang mag-artista.

"My mom has always been very honest with me. Noong nagsisimula pa lang ako tapos ang pangit ng mga ginagawa ko, sinasabi niya talaga. It really helped me to have that kind of support that was honest, 'yung hindi ka bobolahin na 'Oh, you're such a natural. It also taught me to always try to imporve on myself," kuwento ni Janine sa isang online interview kasama ang piling miyembro ng media, kasama na ang GMANetwork.com.

Isa pa raw sa mga itunuro sa kanya ni Lotlot ang pag-oberba sa mga beteranong artista para matutuo mula sa mga ito.

"Saka 'yung mommy ko kasi, she's so professional, so respectful. Palagi niyang turo na 'yung mga veteran 'yung kausapin mo. Always be respectful, professional. That's been a pillar din siguro of my work ethic. I learned so much from the veterans that I've worked with like Ms. Gloria Romero, Tita Chanda (romero), Ms. Coney Reyes," aniya.

Sa tingin daw ni Janine, mas matimbang ang longevity kaysa kasikatan sa larangan ng showbiz.

"Ang dami kong natutunan talaga from the people who have been here for the longest time. I feel like the best marker for success as an actor is longevity. It's not really superstardom or sobrang yaman mo or ang dami mong commercial. I think it's really about longevity and doing work that is valuable for you and for the people around you," pahayag niya.

Ang pelikula ni Janine na Babae at Baril ang napili bilang opening film ng 2020 New York Asian Film Festival.