Lolit Solis, pinuri sina Dingdong Dantes at Marian Rivera sa kanilang pagtulong sa kabila ng COVID-19 outbreak
Ipinahayag ni Lolit Solis ang kanyang paghanga para kina Dingdong Dantes at Marian Rivera na nag-aabot ng tulong sa mga kababayan sa gitna ng banta ng COVID-19.
Sa isa niyang Instagram post, pinasalamatan at pinuri ni Lolit sina Dingdong at Marian.
Aniya, “Gusto ko mag thank you kay Dingdong Dantes at sa Phil Navy sa pagtulong nila sa distrito ng magkapatid na Cong. Alfred at Councilor PM Vargas. Malaking tulong iyon ibinigay nila Dingdong Dantes at Phil Navy na mga relief goods na kailangan ng poorest of the poor sa district ng Novaliches. Dating schoolmate ni Alfred si Dingdong sa Ateneo kaya close sila at nahihingan ng tulong ni Alfred si Dingdong. Salamat Dingdong you are really a good friend. Thank you for helping out.
“At iyon ginawa nila Dingdong at Marian Rivera na mga packed lunches for the frontliners, talagang ang daming natuwa dahil meron pang personal notes na nakasulat. Bongga talaga ang Dantes family all out sa pagtulong.”
Matatandaang si Marian mismo ang nagluto at naghanda ng Menudo para sa frontliners.
Maliban sa kanilang ginagawang pagtulong, nagbigay din ng gabay si Dingdong kung paano makakuha ng trabaho ang ilang mga kababayan ngayong may enhanced community quarantine.
IN PHOTOS: Mga celebrities na naghatid ng tulong sa frontliners
