WATCH: Gabbi Garcia, Thea Tolentino, Gil Cuerva, at Jeric Gonzales, sumabak sa self-defense training para sa bagong action series
Hindi biro ang self-defense training nina Gabbi Garcia, Thea Tolentino, Gil Cuerva, at Jeric Gonzales sa ilalim ng action at stunt director na si Val Iglesias.
Sa bawat suntok, sipa, at palo, bigay na bigay ang Kapuso artists na sinabayan pa ng mixed martial arts at arnis trainings bilang paghahanda sa kanilang upcoming action series.
Pahayag ni Gabbi, fulfilling ang pagod at pawis para sa ikagaganda ng project.
“It's a bit hard and it's a bit tiring pero the motivation is there,” aniya.
“Kasi the show has a really good story so of course you really want to deliver well.”
Bukod sa cinematic action movements, natutunan din ng Kapuso young actors ang ilang practical self-defense tips sa stunt master.
Payo ni Gabbi at Thea, maging alisto raw ang mga kababaihan lalo na sa pagko-commute.
Bahagi ni Gabbi, “Ako, personally, I always bring my pepper spray wherever I go.
So at least, di ba, isang spray lang. So that's my go-to when it comes to self-defense.”
Dagdag pa ni Thea, “As much as possible kung naka-backpack ka ilagay mo sa harap tapos 'yung mga wallets ilagay mo sa pinakailalim.”
Panoorin ang kanilang training at self-defense tips sa chika ni Cata Tibayan: