JUST IN: Alden Richards at Kathryn Bernardo, magtatambal sa pelikula
Kumpirmado ngayong Martes, March 12, na magtatambal sa isang romance-drama film sina Pambansang Bae Alden Richards at Kapamilya actress na si Kathryn Bernardo.
Ginanap ngayong araw sa Trellis Manila sa Quezon City ang story conference ng nasabing pelikula na dinaluhan din ng direktor nito na si Cathy Garcia-Molina.
LOOK: What went on at the story conference of Alden Richards and Kathryn Bernardo's upcoming film
Sa panayam kay Alden ng ilang reporters, ibinunyag niya kung bakit niya tinanggap ang alok ng kabilang bakuran na gumawa ng proyekto kasama si Kathryn.
Saad niya, "Siyempre, first time kong makakatrabaho si Kat in a big project. We've been seeing each other na rin a couple of times kasi we've shared a common endorsement, so nagkikita kami 'yung mga past event."
Dagdag pa ni Alden, "This is the first time that I'll be working with her so it's a great honor and experience kasi I'm really on the stage of exploring the craft and my capability as an actor."
